التصنيف: حلويات

ممكن تعمليها من بواقى الكيك وتخلطى معاها اللى يعجبك وتكوريها واهم حاجة تحطيها فى الثلاجة عشان تجمد شوية عشان لما تحطيها فى الشيكولاتة تجمد على طول
كنت عملتها فى عيد ميلاد ولادى بصراحة شكلها شيك وممكن تحطى فيها اعواد خشب وبعدين تحطيهم فى كاس او فازة طويلة

المقادير:
للكيك:
كوب ونصف دقيق
نصف كوب زيت
نصف كوب لبن حليب
كوب سكر
معلقة كبيرة بيكنج بودر
فانيليا
2بيضةا

الكريمة: يا اما جبنة كريمى او اى كريمة تعجبك (كريمة الزبدة او كريم شانتيه) او نوتيلا او دانتيت

لتغطية الكيك بوبس:شيكولاتة بيضاء خام – شيكولاتة فارمسيل أو مكسرات مفرومة للتزيين

الطريقة:
اخلطى البيض مع السكر دقايق ثم ضيفى الزيت والفانيليا واللبن ثم الدقيق مع البيكنج بودر وضعى الخليط فى صينية مدهونة ومبطنة بالدقيق ثم تدخل فرن ساخن تقريبا 30:40 دقيقة
اختبرى السوا بتاع الكيك بادخال عود خشبى لو خرج نظيف يبقى استوى

فتتى الكيك بعد مايبرد ثم اخلطى معاه الجبنة الكريمى وقلبى حتى تختلط الجبنة بالكيك اعجنى على خفيف حتى تبقى عجينة متماسكة ثم نعمل منها كور وندخلها الثلاجة ساعة

ندوب الشيكولاتة على حمام مائى حتى تدوب ثم نغمس الكيك فى الشيكولاتة بالشوكة وهزيها عشان تتخلصى من الشيكولاتة الزيادة وتوضع على ورق زبدة ثم ترش بالشيكولاتة الفارمسيل

المقادير:
3\4 كوب زبدة
كوب سكر
4 بيضات
2كوب دقيق
3\4 كوب لبن
كيس بيكنج بودر
كوب جوزالهند
نصف كوب مربى(انا استعملت مربى تين صنع ايدى)
2كيس فانيليا

الطريقة:
نفصل البياض عن الصفار ثم نخلط الزبدة مع نصف كوب سكر  ثم الصفار وكيس فانيليا حتى يختلطوا ثم نضيف اللبن ثم الدقيق مع البيكنج بودر مع التقليب حتى يتجانسوا
نعمل المارينج : نضرب بياض البياض مع رشة ملح حتى يعمل رغاوى زى ما موجود فى الصورة ثم نضيف نصف كوب السكر معلقة معلقة مع الخفق حتى يبقى المارينج تقريبا جامد يعنى لو قلبنا البولة اللى فيها البياض مايقعش منها
ثم نضيف جوزالهند وفانيليا ونقلب بالمعلقة الخشب

فى صينية تدهن بالسمنة وتبطن بالدقيق نضيف خليط الكيك ثم نضع مربى على سطحها ثم نضيف طبقة المارينج ونفرده عليها وتدخل فرن ساخن 170 تقريبا ساعة الاربع

 

المقادير:

3كوب لبن
نصف كوب سكر
4 ملاعق كبيرة نشا
3صفار بيضة
كوب شيكولاتة مبشورة
معلقة صغيرة فانيليا
معلقة كبيرة زبدة

 

الطريقة:
فى حلة ضعى اللبن والنشا والسكر والبيض وقلبيهم بالمضرب السلك حتى يختلطوا وتدوب النشا والفانيليا ثم يوضع على نار متوسطة مع التقليب المستمر حتى يغلى ويغلظ قوامه ثم نطفى ونضيف الشيكولاتة المبشورة ونقلب حتى تدوب الشيكولاتة ثم نضع عليها معلقة كبيرة زبدة ونقلبهم ثم تغطى ببلاستيك حتى تبرد ثم تصب فى اكواب ورشيت على وشها بسكويت مفروم