التصنيف: حلويات

المقادير

• نصف كوب زبدة – ربع كوب زيت
• 2 بيضة
• 3\4 كوب سكر
• كوبين دقيق
• معلقة صغيرة بيكنج صودا- معلقة صغيرة بيكنج بودر
• معلقة كبيرة قرفة
• نصف كوب زبيب
• نصف كوب عين الجمل
• 3 تفاحات مقشرة مقطعة مكعبات

الطريقة
ندوب الزبدة مع الزيت ثم نضيف السكر ونقلبهم دقايق ثم نضيف البيض والفانيليا ثم الدقيق مع البيكنج صودا والبيكنج بودر ثم القرفة ويتجانسوا ثم التفاح والمكسرات ونقلب الخليط بيبقى تقيل ثم يوضع فى صينية مدهونة زبدة ومتبطنة بالدقيق وتدخل فرن ساخن على 170 تقريبا بتاخد ساعة ونختبر نضجها بعود خلة لو خرج نظيف يبقى نضجت.
زينتها بصوص التوفى وعين الجمل.

المقادير

·         نصف كيلو كنافة

·         نصف كوب سمنة

·         كوب شربات خفيف(كوب ماء وكوب سكر)

·         كيسين كريم شانتيه

·         كوب عصير مانجو بدون ماء

·         نصف كيلو مانجو

·         كوب قشطة

 

 

الطريقة

نخفق الكريمة بعصير مانجو بدل الميه حتى تتخن ثم نضيف القشطة وتقلب

نضع الكنافة فى الفريزر الاول تبات ليلة ثم نطلعها وتفرك حتى تنعم او تفرميها فى الكبة اسهل ثم تحمر فى السمنة مع التقليب المستمر حتى تحمر ثم تصب عليها الشربات البارد وتقلب ثم توضع فى صينية ثم نضع جزء من الكريمة ثم قطع مانجو ثم راق كنافة مكبوس من الاول فى صينية تانية زيها ثم كريمة وقطع المانجو
او ممكن تقدميها فى كاسات راق كنافة وكريمة ومانجو وهكذا وممكن فى الاخر تزينيها بودرة كريمة

المقادير:

• 4 بيضات
• كوب دقيق
• 3\4 كوب سكر ناعم
• نصف كيلو تفاح
• ربع كوب سكر
• معلقة كبيرة قرفة
• معلقتين زبدة

الطريقة
نقشر التفاح ثم يبشر وفى طاسة نضع الزبدة والسكر والتفاح ونقلب ثم القرفة ونقلب دقايق ثم يترك يبرد ونفصل البياض عن الصفار ونخفق البياض تقريبا 5 دقايق حتى يعلى ويعمل رغاوى ونضع رشة ملح ونضرب مع اضافة نصف كمية السكر حتى يبيض ويعلى ثم نضرب الصفار مع باقى السكر مع الفانيليا ثم نخلط الدقيق مع الصفار ونقلب حتى يختفى الدقيق ثم نضيف البياض شوية شوية مع التقليب من تحت لفوق بالراحة ثم فى صينية يوضع ورقة زبدة انا دهنت ورقة الزبدة زيت ثم نفرد خليط التفاح بس بدون الوصول للحروف ثم نصب الخليط عليها ويساوى ويدخل فرن ساخن تقريبا ربع ساعة لـتلت ستعة بس مانطولش عن كده عشان هاتنشف ومش هاتعرفى تلفيها وهاتتقطع ثم تقلب على ورق زبدة او فوطة ثم نشيل ورق الزبدة وتلف رول مع الضغط عليها ثم توضع فى الثلاجة ساعة قبل التقطيع ممكن ترشى عليها سكر بودرة انا رشيت عليها صوص شيكولاتة