التصنيف: حلويات

2كوب لبن
1\4 كوب دقيق رز
1\4 كوب سكر
1\4 كوب نشا
كوب ماء
نصف باكيت قمر الدين

الطريقة:
يذاب النشا فى كوب ماء
نضع اللبن فى حلة على النار ونضع معها دقيق الرز ونقلب شوية ونضيف السكر
ونقلب حتى يدوب السكر مع التقليب المستمر ثم ضيفى 3\4 كوب الميه المدوبة فيها النشا
وقلبى باستمرار حتى تتخن المهلبية
ثم تصب فى صينية كبيرة ويفضل فى فى كاسات أو بولات صغيرة وتترك لتبرد

يتم نقع قمر الدين فى 2 كوب ماء لحد مايدوب
وممكن تدوبيه فى الميه على النار
وبعدين حطيه على النار وحليه بمعلقة أو اتنين سكر على حسب الطعم
ثم ضعى ربع الكوباية المدوب فيها النشا على قمر الدين
ويترك ليغلى مع التقليب المستمر تقريبا 6 دقايق لغاية مايتخن شوية
وبعدين صبيه على المهلبية البيضا ثم جمليه بالمكسرات وجوز الهند

ملاحظة:
لم يكن عندى دقيق رز فجيبت 4ملاعق كبيرة رز وغسلتهم وصفيتهم من الميه
وبعدين فردتهم على طبق وتركتهم ينشفوا وبعدين طحنتهم فى المطحنة
وممكن طبعا تعمليها من غير دقيق الرز ونكتفى بالنشا بس بجد طعمها بالرز غييييييييييييييير شكل

المقادير:

2كوب قمح(تقريبا ربع كيلو)
لتر لبن
سكر حسب الرغبة
فانيليا
ربع كوب نشا

الطريقة:

تنقى القمح كويس وتنقعيه من بليل فى ماء
والصبح تصفيه من ميته وتزودى ميه تقريبا 10 كوب ماء وتضعيه على النار يستوى

لما يستوى ضيفى إليه اللبن وقلبى واتركيه يغلى

وبعدين ضيفى السكر والفانيليا وقلبى حتى يدوب السكر
تكونى مجهزة النشا ربع كوب ماءمع 3 ملاعق نشا كبيرة
ودوبيهم وابتدى ضيفى مع التقليب المستمر
عشان النشا ماتكلكعش منك
وبعدها هتشوفى السمك لو يناسبك اطفى

عاوزة يتقل اكتر دوبى ملعقه نشا فى ملعقتين ماء
وضيفيهم مع التقليب المستمر

وبعدها تصب فى اكواب او كاسات للتقديم

وتزين بجوز الهند أو المكسرات أو يستغنى عنه
وقد نضع شوية من الزبيب أو البندق المجروش أثناء الطهو أو يستغنى عنه

ملحوظة:
ممكن يوضع بعد السلق فى الخلاط مرة واحدة حتى يصبح مجروش

أو ممكن تاخدى نصفه وتضربيه فى الخلاط أو تهرسيه وتحطيه تانى على الباقى
وتكملى الطريقة عادى

وده لزيادة الطعم

3علبة بسكوت لوكس أو اى بسكوت شاى

2علبة كريم كراميل

2كيس كريم شانتيه

كوب نسكافيه معمول (يعنى كوب ماء مغلى على معلقة نسكافيه ومعلقة سكر عشان تبلى البسكوت)أو كوب لبن

هاتى الكيس الكريم كراميل اضربى بس كيس الكريم البودر مع الكريم شانتيه باللبن أو الماء المثلج

لحد مايبقى قوامه كريمى

هاتى قالب أو اى صينية صغيرة وضيفى طبقة كريمة افرديها فى قعر القالب

وبعدين بللى البسكوت فى النسكافيه او فى اللبن ورصى كطبقة فوق الكريمة

ثم طبقة كريمة ثم طبقة بسكوت مبللة فى النسكافيه

ثم طبقة كريمة ثم طبقة بسكوت مبلل بالنسكافيه

ثم الطبقة الأخيرة كريمة

ودخليها الفريزر لمدة ساعة

ممكن تزينيها بالكاكاو أو شيكولاتة مبشورة أو باأكياس الكراميل

ممكن تزودى وانتى بتضربى الكريمة مع الكريم الباودر تزودى معلقة كبيرة سكر بودر عشان الكريمة مش بتبقى مسكرة أوى أنا بعملها كده حسب اللى يعجبك

وكمان ممكن تضيفى فواكه مقطعة بين الطبقات بتبقى أحلى واحلى

المقادير
2كوب دقيق
قطعة خميرة فى حجم عين الجمل
معلقة كبيرة سكر
ذرة ملح
2معلقة لبن بودر(أختيارى)
معلقة كبيرة زيت
معلقة كبيرة نشا(عشان تقرمش)
كوب ونصف ماء دافئ للعجن
زيت غزير للتحمير

شربات تقيل
1 كوب ماء
2 كوب سكر
ملعقة صغيرة عصير ليمون
يوضع السكر والميه على النار تغلى وبعدين نضيف الليمون ونتركها 10 دقايق تتقل شوية

الطريقة:
يضاف للخميرة ملعقة السكر وقليل من الماء الدافئ وتترك لتخمر
يضاف الملح للدقيق والنشا واللبن البودر ويقلب ثم يضاف لهما الخميرة بعد تخمرها وتقلب والزيت
ثم يضاف الماء الدافئ ويقلب العجين حتى يصبح مابين السيولة والصلابة (شبه سائلة أو لينة نوعا ما)
ثم تترك لتخمر لمدة ساعة
ثم تقلب بالملعقة بسرعة ليهبط العجين
تؤخذ قطعة عجينة باليد اليسرى
وتغرف بملعقة صغيرة مدهونة زيت او مبللة بالماء باليد اليمنى وتوضع قطعة العجينة الصغيرة في زيت التحمير الغزير وهكذا
حتى يصبح لون الوحدات ذهبيا وتنشل من الزيت على مناديل للتخلص من الزيت الزائد.
تسقى بالشربات أو يرش عليها السكر أو صوص الشيكولاتة
ولما تحطي الكرات في الزيت وطي النار
واستمري في تقليب لقمة القاضي لغاية ما تحسي انها قرمشت ونشفت من بره (بتاخد حوالي 10 دقايق تقليب مستمر)
وبعدين ارفعي النار واستمري في التقليب لغاية ما توصل للون الذهبي الجميل
ملاحظة:يجب أن يخمر العجين وإلا لن ينتفخ في الزيت
لأن المفروض أن تكون الواحدة مفرغة من الداخل ومملوءة بالهواء بعد تحميرها

2كوب دقيق سميد (سمولينا أو دقيق البسوسة كله واحد)
كوب دقيق عادى
1/2كوب زيت
1/2معلقة صغيرة ملح
معلقة ونصف خميرة فورية

معلقة كبيرة سكر
كوب ماء دافئ للعجن

مقادير الشربات:
كوب ماء +2كوب سكر
يوضعوا على النار يغلى وبعدين تضيفى عصرة ليمون يغلى دقايق وبعدين اطفى

الطريقة
نخلط الدقيق مع دقيق السميد والملح والخميرة أو ممكن ندوبها فى معلقة مية دافية ونضيفها
ثم الزيت والمية ونعجن حتى تتماسك العجينة
وغطيها واتركيها تستريح 15 دقيقة
وبعدين اعملى من العجينة كور صغيرة ثم نعمله بايدنا على شكل صابع صغير وبعدين هاتى المبشرة بالمقلوب ونفرد عليه قطعة العجينة
نفرد العجينة المكورة شوي شوي ولا تضغطي عليها بقوة علشان ما تطلع رقيقة عالاخر وعلشان تقدري تشيليها بسهولة لان لو ضغطي بقوة ما بتطلع معاكي
نبدأ نشيل العجينة بالابهام شوي شوي ونشيلها بحيث انها تلف على نفسها
نضعها فى صينية مرشوشة دقيق حتى نخلص المقدار
تقلى فى زيت ساخن غزير
وبعدين طليعها على مصفأة عشان تتصفى من الزيت
وبعدين وهى سخنة تنزل فى شربات بارد وتقيل
وبعدين صفيها من الشربات وقدميها