كوب دقيق
كوب ماء
ربع كوب زبدة ممكن زيت
3 بيضات
معلقة فانيليا
رشة ملح
معلقة خل
الطريقة
يوضع الماء والزبدة على النار حتى يغلي الخليط
في بدء الغليان يضاف الدقيق دفعه واحده
ونقلب بمضرب بسرعة على نار هادئة
حتى تصبح العجينة كالكرة تبعيدها عن النار وتوضع فى إناء واسع حتى تبرد
من الافضل الانتظار حتى تبرد العجينة قبل اضافة البيض
ثم نضع عليه بيضة ونقلب بملعقه خشبيه حتى يمتزج
ثم نضع بيضة أخرى ونقلب حتى يمتزج الجميع
ثم نضع البيضة الثالثة ونقلب حتى يمتزج كل العجين مع بعضه ثم الفانيليا ومعلقة الخل ونقلب كويس حتى يصبح العجين ناعم
لو حسيتى ان العجينة ناشفة ممكن تضيفى بيضة رابعة
يوضع الخليط في كيس الكريمه لو مفيش ممكن كيس عادى ونقصه من تحت نعمله حفره يعنى وبعدين
يضغط على كيس التزيين بحيث يخرج المزيج على شكل اصابع على صينية مدهونة
او نشكله على شكل وردة اللى يعجبك ثم يدخل فرن ساخن 200 درجة لمدة ربع ساعة وبعدين نهدى النار
على 180 ونتركه تقريبا 20:25دقيقة حتى يصبح لون دهبى
وبعدين سيبيه فى الفرن يهدى لمدة 10 دقايق ولما يبرد شقيه من الجنب واحشيه بالكريمة أو بالكاسترد
وزوقيه بالشيكولاتة السايحة
لو عايزة تعمليه بلح الشام:
يوضع الخليط في كيس الكريمه لو مفيش ممكن كيس عادى ونقصه من تحت نعمله حفره يعنى وبعدين
يضغط على الكيس باليد ويقص بلح الشام بالمقص بالقرب من الزيت
يترك حتى يحمر وتكرر العملية مع مراعاة عدم وضع كمية كبيرة من بلح الشام في الزيت مرة واحدة
زيت غزير باااااااارد
على نار هادئه ويقلب حتى يتحمر
ممكن لو بتحبيه طرى اقليه فى زيت سخن
خليه في المصفاة حتى يبرد جيدااااااااا
ثم يسقى بالقطر البارد ثم يصفى قليلا
يزين بالشيكولاتة السايحة أو بشقه نصفين و حشوه بالقشدة و تزيينه بالفستق المجروش
شربات:
2كوب سكر وكوب ماء ويوضع على النار يغلى
ثم نضيف عصرة ليمون ونتركه يغلى 10دقائق
ونتركه يبرد
