التصنيف: حلويات

المقادير:

• كوب ونصف دقيق
• كوب لبن زبادى
• كوب سكر
• 2معلقة صغيرة بيكنج بودر
• معلقة صغيرة فانيليا
• نصف معلقة صغيرة ملح
• 3 بيضات
• نصف كوب زيت

مقادير الشربات:

• كوب ونصف سكر
• كوب ونصف ماء

يوضعوا على النار يغلى ثم نضيف معلقة صغيرة عصير ليمون ويغلى غلوة كمان ثم نطفى عليه ونتركه يبرد

 

طريقة الكيكة:

نسخن الفرن على 170 وندهن الصينية زيت

أخلطى البيض مع السكر فى وعاء الخلاط ثم ضيفى الفانيليا ثم الزيت واخلطى دقيقة ثم الزبادى

ثم ضيفى الدقيق المنخول مع البيكنج بودر والملح واخلطى مرة واحدة لتختلط المكونات جميعا

ثم صبيه فى الصينية المدهونة ويدخل الفرن تقريبا 45 دقيقة

واول ما تطلع الكيكة تسقى بالشربات البارد وتزين بجوز الهند او زى ما تحبى

المقادير:

نصف كيلو كنافة

علبة قشطة

كوب زبدة سايحة

مكسرات

2معلقة دقيق

2معلقة نشا

2معلقة كبيرة سكر

2كوب لبن

الطريقة:

تفتت الكنافة وتفرك جيدا

ضعى الزبدة على الكنافة وقلبها جيدا حتى تتداخل الزبدة فى الكنافة

ضعى نصف مقدار الكنافة فى صينية مدهونة واضغطى عليها جيدا( نضغط علي الكنافه الموجوده في الصينيه جيدا جدا باستخدام صينيه اخري اصغر منه)

ضعيها فى الفرن حتى تتحمر

حضرى القشطة دوبى الدقيق مع اللبن والنشا والسكر وحطيها على النار تغلى ثم ضيفى القشطة وتتقل شوية ثم واخلطيها مع المكسرات المفرومة

ثم خرجيها من الفرن وافردى عليها القشطة بعيدا عن الحواف

ثم حطى طبقة تانية من الكنافة حطيها تانى فى الفرن حتى تحمر قليلا

 

لعمل الشربات (ضعى 2كوب سكر وكوب ماء ولما يغلى ضيفى عصرة ليمون واتركيه يتقل شوية )

ولما تخرجى الكنافة من الفرن اسقيها بالشربات البارد

المقادير:

كوب شعيرية
2كوب لبن
كوب ماء
سكر
معلقتين زبدة

الطريقة:
نحمر الشعيرية فى الزبدة

ثم نضيف كوب ماء وكوب لبن ونتركها تغلى لحد ما تستوى

ثم نضيف اللبن والسكر ونقلب دقايق ثم تقدم

المقادير:

2 كوب دقيق

كوب سكر  ناعم

3\4 كوب زبدة او سمنة

1\2 كوب شيكولاتة شيبس

بيضة

2 معلقة صغيرة بيكنج بودر

معلقة صغيرة فانيليا

4 ملاعق كبيرة لبن

معلقة كبيرة كاكاو

ذرة ملح

 

الطريقة:

يخفق الزبدة مع السكر حتى يتحول لخليط كريمى ويدوب السكر

ثم تضاف البيضة ونخلط حتى تختفى واللبن والفانيليا

ثم يضاف خليط الدقيق والبيكنج بودر والملح والكاكاو بعد نخلهم ثم الشيكولاتة

ثم بمعلقة نعمل كور صغيرة ويوضع على صينية  على مسافات متباعدة ويدخل فرن ساخن  من 10 دقايق لـ15 دقيقة

هتلاقيه طرى شوية وبعدين هاينشف