بسكوت بالكاكاو محشى بالكريمة

المقادير:
1 3\4 دقيق
ربع كوب كاكاو بودر
2\3 كوب سكر
ربع معلقة صغيرة ملح
معلقة صغيرة بيكنج بودر
ربع معلقة صغيرة بيكربوناتو(بيكنج صودا)
بيضة
معلقة صغيرة فانيليا
نصف كوب زبدة فى درجة حرارة الغرفة

الطريقة:
فى بولة اخلطى المكونات الجافة(الدقيق الكاكاو والبيكنج بودر والبيكنج صودا والملح) وننخلهم
ثم نخفق الزبدة مع السكر حتى يصير كريمى ثم نضيف البيضة والفانيليا ونخفقهم ثم نضيف المكونات الجافة ونقلب ثم نلفه فى كلينك فيلم ويدخل الثلاجة نصف ساعة يرتاح  ثم ناخذ جزء من العجينة فى حجم اصغر من البيضة أو بالمعلقة الصغيرة عشان يبقى نفس المقاس ونكورها باليد ثم توضع على صينية ونضغط عليها ضغطة خفيفة  او توضع بين ورقتين زبدة وتفرد وتقطع بالقطاعة المدورة  ثم تدخل فرن ساخن 170 تقريبا لمدة15:20 دقيقة
ولما يبرد نحشيه بالكريمة معلقة صغيرة توضع على البسكوتة ثم نضع البسكوتة الاخرى عليها ونضغط ضغطة خفيفة
(نصف كوب زبدة فى درجة حرارة الغرفة مع كوب ونصف سكر بودر ورشة فانيليا ونمزجهم )

لو عايزة يبقى زى البسكوت الاوريو او البسكوت البوريو انقصى من الدقيق نصف كوب وضعى بدالها نصف كوب كاكاو بودر

كوكيز بالشيكولاتة

المقادير:

2 كوب دقيق

كوب سكر  ناعم

3\4 كوب زبدة او سمنة

1\2 كوب شيكولاتة شيبس

بيضة

2 معلقة صغيرة بيكنج بودر

معلقة صغيرة فانيليا

4 ملاعق كبيرة لبن

معلقة كبيرة كاكاو

ذرة ملح

 

الطريقة:

يخفق الزبدة مع السكر حتى يتحول لخليط كريمى ويدوب السكر

ثم تضاف البيضة ونخلط حتى تختفى واللبن والفانيليا

ثم يضاف خليط الدقيق والبيكنج بودر والملح والكاكاو بعد نخلهم ثم الشيكولاتة

ثم بمعلقة نعمل كور صغيرة ويوضع على صينية  على مسافات متباعدة ويدخل فرن ساخن  من 10 دقايق لـ15 دقيقة

هتلاقيه طرى شوية وبعدين هاينشف