التصنيف: اطباق رئيسية

المقادير:

نصف كيلو بانيه
فلفل اسود- عصير ليمونة – -ملح
طمطمايه وبصلة مبشورة-معلقتين خل
بقسماط أو كورن فليكس
دقيق
2 بيضه
كوب جبنة شيدر مبشورة
كوب جبنة موتزريلاا

الطريقة:
ونتبل البانيه بالملح والفلفل وعصير الليمونة و شوية خل والطماطم والبصلة المبشوره
نحطها فى التلاجه لمدة 3 ساعات
هنحط على البقسماط ملح وفلفل اسود
نخفق البيض مع الفلفل الاسود
وبعدين نمسك قطع البانيه ونتخلص من مائه وننظف التتبيله من عليه ثم نضع شريحة البانيه فى الدقيق وبعدين البيض ثم البقسماط
وبعدين افضل اضغط عليها باايدى علشان البقسماط يثبت فيها
وتوضع فى الثلاجة ساعة
طبعا اسخن الزيت جدااا وبعدين احط البفتيك علشان يتحمر
وبعدين تقلبيه لحد لما يتحمر من الجانبين
ثم نضع البانيه فى صينية ونضع على الوجه نوعى الجبنة المبشورة
ثم تدخل الفرن تحت الشواية تقريبا 10 دقايق

المقادير:

• كيلو باذنجان
• نصف كيلو لحمة مفرومة
• بصلة مبشورة
• ملعقة صلصة
• ملح وفلفل وبهارات
• كوب كريمة لباني (كريمة طهي)
• معلقتين نشا

الطريقة:

• يقطع الباذنجان الي شرائح ويقلى ثم نشوح البصلة المبشورة فى الطاسة مع معلقتين زيت ثم نضيف اللحمة ونقلب لخمسه دقائق
• ثم نضيف البهارات والملح والفلفل ونتركها مرة أخرى لدقائق قليلة على النار
• ثم نضيف الصلصة وتقلب مع الباقي  ثم نطفى عليها
•  فى وعاء أخر نضع كوب الكريمة مع معلقتين  نشا ونصف كوب ماء وملح  ثم نرفعها على النار حتى تصل للغليان ويصير قوامها غليظ نوعا ما
• فى صينية نرص شرائح الباذنجان ثم اللحمة المفرومة المعصجة ثم باقى الباذنجان ثم نضيف الكريمة على الوجه وتدخل الفرن نصف ساعة حتى تنضج ويثير لونها مائل للحمرة من الاعلى

المقادير:

نصف دجاجة

معلقة كبيرة مسطردة

معلقة كبيرة زعتر ناشف

معلقة صغيرة ملح

نصف معلقة صغيرة فلفل اسود

عصير ليمونة

معلقة كبيرة صويا صوص

بصلة مبشورة

فص ثوم مفروم

معلقة كبيرة زيت

الطريقة:

يتبل الدجاج بجميع المقادير السابقة ثم تشوى على الشواية

او توضع فى صينية وتغطى بالفويل وتدخل الفرن تستوى ثم يحمر الوجه وتقدم

المقادير:

4عدد سمان

عصير ليمونة

2معلقة كبيرة خل

معلقة كبيرة زيت

بصلة

1ثمرة طماطم

معلقة صغيرة فلفل اسود

معلقة صغيرة ملح

 

الطريقة:

ينظف السمان بالملح والدقيق ثم يقطع من الظهر ونطرقها  بمطرقة اللحم حتى يتكسر عظمه شوية او بالنشابة

ثم نبشر البصلة مع الطماطم ونخلط كل المقادير مع بعض ويترك فى التتبيلة  3ساعات يفضل طوال الليل

ثم فى الجريل على النار او تحت الشواية فى الفرن ربع ساعة لكل وجه

قدمته مع خضار سوتيه ورز بالكبد والقوانص

المقادير:

ربع كيلو فيليه دجاج

ربع كيلو مكرونة فيتوتشينى

نصف كوب فلفل الوان مقطع شرائح

نصف كوب مشروم شرائح

كوب كريمة لبانى

فص ثوم مفروم

معلقتين زيت

معلقة زبدة

ملح وفلفل اسود

رشة زعتر

 

الطريقة:

نتبل الفيليه يفضل تقطيع لشرائح او مكعبات بالملح والفلفل والزعتر

ثم يسخن معلقتين زيت مع معلقة زبدة ثم يضاف الفيليه ويحمر على الجانبين

ثم ينشل ويضاف فص ثوم مفروم ويقلبثم المشروم والفلفل الالوان وتقلب دقايق

ثم الكريمة ونتركها تغلى حتى تسمك شوية

ثم نضيف المكرونة وتقلب وتقدم