علمتها اول مرة لجوزى وهو مش من محبي البتنجان بس اقنعته يدوقها وعجبته اوى
المقادير:
كيلو باذنجان
نصف كيلو لحمة مفرومة
بصلة مبشورة
ملعقة صلصة
ملح وفلفل وبهارات))
1طماطم مكعبات
معلقتين كزبرة خضراء مفرومة
معلقتين دقيق لتحمير الباذنجان
معلقتين كبيرة جبنة موتزريلاا
بشاميل(كوب لبن وكوب ماء و3ملاعق كبيرة دقيق يخلطوا فى اناء على البارد بالمضرب السلك ويوضع على النار مع التقليب حتى يغلى ويتقل ويضاف ملح وفلفل اسود وممكن مكعب ماجى ومعلقة زبدة )
الطريقة:
يقطع الباذنجان الي شرائح ويرش عليه ملح ويترك ربع ساعة يصفى مائه ثم يوضع فى الدقيق عشان مايشربش زيت ويقلى
ثم نشوح البصلة المبشورة فى الطاسة مع معلقتين زيت ثم نضيف اللحمة ونقلب لخمسه دقائق ثم نضيف البهارات والملح والفلفل ونتركها مرة أخرى لدقائق قليلة على النار
ثم نضيف الصلصة والطماطم المكعبات وتقلب مع الباقي ثم نطفى عليها ثم الكزبرة الخضراء
فى صينية نضع مغرفة بشاميل فى القاع ثم نرص شرائح الباذنجان
ثم اللحمة المفرومة المعصجة
ومعلقتين بشاميل
ثم باقى الباذنجان
ثم نضيف البشاميل وفلفل اخضر للزينة ورشة كزبرة خضراء
ثم الجبنة الموتزريلاا على الوجه
وتدخل الفرن نصف ساعة حتى تنضج وتحمر من الاعلى وتترك حتى تبرد قبل التقطيع تقدم مع الارز او الخبز
