التصنيف: اطباق رئيسية

المقادير:
2كوب رز بسمتى
دجاجة مقطعة ل8 قطع أو أى حاجة تعجبك أن عملت كيلو وراك
2كوب رز بسمتى
بصلة مقطعة شرايح أو مكعبات
2حبة طماطم
فلفلة خضراء
قرنين فلفل حار للى يحب
معلقة كبيرة صلصة
عصير ليمونة
بهارات صحيحة(قرفة وقرنفل وحبهان وورق غار وليمون ناشف)
معلقة شاى بهارات كبسة
معلقة كبيرة كركم
معلقة صغيرة سكر

خلطة الوجه:
نصف كوب زبيب
بصلة مقطعة شرايح رفيعة

الطريقة :

فى حلة على النار نضع معلقتين زيت ثم نضع الدجاج المقطع ونقلبه دقايق على نار عالية ثم نضيف البهارات الصحيحة

والبصلة المقطعة (انا حضيت بصلة مبشورة مجبر أخاك لا بطل 🙂 بس الشرايح هاتبقى احلى وحطيها قبل الدجاج تاخد تحميرة )

ثم نضيف بهارات المطحونة بهارت الكبسة والكركم والملح والفلفل ونقلب دقايق

ثم نضيف الفلفل المقطع والطماطم المكعبات ونقلب دقايق

ثم نضيف الصلصة ومعلقة السكر

ثم نزود ميه مغلية تغطى الدجاج

تغلى ونهدى االنار شوية ونتركها لحد ما الفراخ تستوى تقريبا بتاخد 20 دقيقة لتلت ساعة ثم ننشل الدجاج فى صينية ويوضع تحت الشواية ياخد لون

لازم نعاير باقى المية الموجودة من الفراخ لو بتعرفى بالنظر اوك يبقى تضيفى الرز والمية بتزيد عن الرز بمقدار عقلة الصباع
أو تعاير المية الباقية ولكل كوب رز بسمتى 2كوب سائل

بعد مانضيف الرز نتركها تغلى ثم نهدى النار على الاخر ونسيبها تستوى وبعد ما تستوى نضيف عليها عصير الليمون ونديها تقليبة ونطفى

لخلطة الوجه نحمر البصلة المقطعة تيبقى لونها دهبى ثم الزبيب دقيقة ويوضع على الرز
وبألف هنا

المقادير:

نصف كيلو فيليه دجاج

200جم كريمة لبانى

2بياض بيض

معلقتين صغيرة ملح

نصف معلقة صغيرة فلفل اسود

بهارات فراخ

بصلة

فصين ثوم

الطريقة:

فى الكبة نفرم البصلة والثوم ونضيف الدجاج وباقى المقادير حتى تفرم ناعم
نجيب كلينك فيلم ونفرد جزء على الرخامة ثم نضع معلقة كبيرة من الخليط ونقوم بتوزيعها على الطرف ثم نلف الكلينك فيلم حتى تأخد الشكل الاسطوانى ونقوم بربطها بالخيط من طرفها ونقوم ايضابربطها بالخيط فى الطرف الاخر ثم تسلق فى ماء مغلى لمدة ربع ساعة ثم نشيل البلاستيك وتحمر وتقدم

المقادير:
كيلو دبابيس فراخ
كوب لبن رايب
معلقتين خل
معلقتين ثوم بودر
معلقتين بصل بورد
معلقة كبيرة فلفل أبيض
معلقة كبيرة كزبرة ناشفة
معلقة كبيرة جنزبيل بودر
ورق غار وفصين حبهان مطحونين
معلقة صغيرة كركم
معلقة كبيرة ملح
2كوب دقيق
معلقتين صغيرة بيكنج بودر

الطريقة :
نغسل الفراخ كويس بملح وليمون ودقيق وتصفى من مائها ونعمل فتحات بالسكينة ثم ندعكها بنصف التوابل الموجودة ونضيف عليهم اللبن والخل وتترك طوال اليوم فى الثلاجة ماينفعش 3 ساعات عشان الانسجة بتاعتها تتطرى
نحضر طبق نحط فيه كوب دقيق مع (معلقة صغيرة من التوابل ومعلقة صغيرة بيكنج بودر ومعلقة صغيرة ملح )
طبق الدقيق التانى (كوب دقيق مع رشة ملح وبهارات ومعلقة صغيرة بيكنج بودر)ونرش عليه شوية ميه ونفركه بصوابعنا هتلاقيه عمل قطع من العجينة رفيعة اوى )
وننزل بالفراخ فى طبق الدقيق تغطى نغطيها وبعدين ننزل بيها فى اللبن اللى اتبلته فيه وبعدين ننزل الفراخ في طبق الدقيق التانى اللى عملناه ونقلبها من غير ضغط عليها
فى مقلايه غويطة او حلة نسخن فيها زيت غزير وننزل بالفراخ بعد ثوانى نهدى النار ونغطيها تقريبا ربع ساعة

من الاكلات السهلة والخفيفة واللى ممكن تضيفى فيها خضار كتير لولادك مع البشاميل والجبنة وممكن تزودي قيمتها الغذائية انك تضيفى ليها لحمة مفرومة معصجة او صدور فراخ مسلوقة او مشوحها لغاية ماتستوى

المقادير:
كيس مكرونة اى نوع
2حبة طماطم مقطعة مكعبات
زيتون مقطع
فلفل الوان مقطع شرايح
بصلة شرايح
كيس خضار مجمد
فصين ثوم مفروم
معلقتين صلصة
ملح وفلفل وبهارات
صوص البشاميل(3ملاعق دقيق+3ملاعق زبدة+3كوب لبن+ملح وفلفل)
جبنة موتزريلاا

الطريقة:
نسلق المكرونة فى ماء مملح وتصفى وتشطف بماء بارد
نعمل البشاميل نخلط كله على البارد ويوضع على النار مع التقيب حتى يسمك
فى طاسة كبيرة معلقتين زيت يسخن ثم نضيف شرائح البصل ونقلب دقايق ثم فص الثوم وملح وفلفل ثم نضيف الخضار المجمد ونقلب دقايق والفلفل الالوان والطماطم والزيتون والصلصة ونقلب دقايق ثم نطفى
ثم نضيف المكرونة ونقلبهم ع مغرفة بشاميل ثم توضع فى صينية مدهونة ونوزع باقى البشاميل على الوش ونرش الجبنة وتدخل فرن ساخن تقريبا نصف ساعة