المقادير:
كوب لبن
كوب دقيق
4ملاعق زيت أو زبدة او خليط منهم
معلقة صغيرة ملح
معلقة كبيرة سكر
2بيضة
فانيليا

الطريقة:
فى بولة يضاف البيض مع اللبن ويخفق ويضاف الدقيق بعد نخله تدريجيا مع الملح والسكر
مع التقليب المستمر حتى تحصلى على عجين سائل نوعا ما(ممكن تعمليه فى الخلاط) وتترك ربع ساعة ترتاح
فى طاسة تيفال صغيرة ضعى مغرفة من الخليط وحركى الطاسة بسرعة بطريقة دائراية حتى تتوزع فى جميع الاتجاهات
لما بنحط الخليط نراعي ان النار تكون هادية عشان نلحق نوزع الخليط في انحاء الطاسة بالتساوي
و بعدين نعلي لما بيدأ القرص ياخد اللون الدهبى من تحت أقلبيه
وحطيها في طبق مسطح عشان تبرد ومانحطهوش فوقه بعضه عشان مايلزقش
وكملي باقي المقدار تقريبا بيعمل من 6 : 7 وحدات
وكررى العملية حتى ينتهى المقدار
الحشوة :بالشيكولاتة النوتيلا أو مربى وكريم شانتيه وومكن نحشيه فواكه او باسترى كريم

ملاحظات :
ممكن تدهنى الطاسة بالزيت أو الزبدة

لو عايزة الكريب نفسه بالشيكولاتة شيلى من كوب الدقيق معلقتين وحطى بدلهم معلقتين كاكاو

بالنسبة للحادق بنضيف فلفل بدل الفانيليا مع الملح و طبعا بنشيل السكر

ممكن تضعى بدل كوب اللبن نصفه ماء ونصف لبن او ممكن يبقى كوب ماء ونزود فى المقادير 3ملاعق لبن بودرة

طريقة عمل الفراخ المحشية

المقادير:
فرخة كيلو جرام
2كوب أرز
توابل
كبد وقوانص
زبيب
ملح
فلفل اسود
معلقة كارى(اختيارى)
2بصلة كبيرة
2معلقة زيت
1طماطم

الطريقة:
نظفى الفراخ كويس بالملح والدقيق والخل
وابشرى بصلة وطماطماية وحطى عليها توابل وملح وفلفل ومعلقتين زيت
وتبلى بيها الفرخة وغطيها وضعيها فى الثلاجة ساعتين

اعملى الحشوة
قطعى القوانص وشوحيها مع معلقتين زيت ثم الكبدة وبصلة مبشورة
وقلبى شوية وبعدين زودى ميه عشان القوانص تستوى شوية
ثم بعد ما البصل يدبل ضيفى البهارات والكارى وملح وفلفل وضيفى الارز المغسول
وقلبى شوية وبعدين ضيفى كوب ماء واتركيه يشرب الميه ويستوى نص سوى
وبعدين ضيفى عليه ربع كوب زبيب مغسول
ثم طلعى الفرخة واحشيها بالرز من جوه وعند الوراك ومن عند الرقبة واقفليها بالخلة أو الابرة
ثم اسلقيها فى ميه مغلية مع ملح وفلفل وورق لورا وحبهان وبصلة
تترك على نار هادئة لمدة ساعة حتى تستوى وتصفى من الشوربة
وبعدين تدهن بالصلصة والزيت أو الزبدة وبهريها بالملح والفلفل ودخليها الفرن تتحمر
وباقى الرز زودى عليه كوب ميه واتركيه على نار هادية يستوى ويقدم مع الفراخ

وممكن بدل ماتسلقيها تجيبى صينية وتحطى فيها خضار مقطع جزر بطاطس مع بصل وطماطم
وترشى عليهم ملح وفلفل وكوباية ميه وتحطى الفراخ عليهم وتغطيها بالفويل ودخليها الفرن تستوى ساعة وربع
وبعدين افتحى الشواية عليها

2كوب لبن
1\4 كوب دقيق رز
1\4 كوب سكر
1\4 كوب نشا
كوب ماء
نصف باكيت قمر الدين

الطريقة:
يذاب النشا فى كوب ماء
نضع اللبن فى حلة على النار ونضع معها دقيق الرز ونقلب شوية ونضيف السكر
ونقلب حتى يدوب السكر مع التقليب المستمر ثم ضيفى 3\4 كوب الميه المدوبة فيها النشا
وقلبى باستمرار حتى تتخن المهلبية
ثم تصب فى صينية كبيرة ويفضل فى فى كاسات أو بولات صغيرة وتترك لتبرد

يتم نقع قمر الدين فى 2 كوب ماء لحد مايدوب
وممكن تدوبيه فى الميه على النار
وبعدين حطيه على النار وحليه بمعلقة أو اتنين سكر على حسب الطعم
ثم ضعى ربع الكوباية المدوب فيها النشا على قمر الدين
ويترك ليغلى مع التقليب المستمر تقريبا 6 دقايق لغاية مايتخن شوية
وبعدين صبيه على المهلبية البيضا ثم جمليه بالمكسرات وجوز الهند

ملاحظة:
لم يكن عندى دقيق رز فجيبت 4ملاعق كبيرة رز وغسلتهم وصفيتهم من الميه
وبعدين فردتهم على طبق وتركتهم ينشفوا وبعدين طحنتهم فى المطحنة
وممكن طبعا تعمليها من غير دقيق الرز ونكتفى بالنشا بس بجد طعمها بالرز غييييييييييييييير شكل