طريقة عمل الفراخ المحشية

المقادير:
فرخة كيلو جرام
2كوب أرز
توابل
كبد وقوانص
زبيب
ملح
فلفل اسود
معلقة كارى(اختيارى)
2بصلة كبيرة
2معلقة زيت
1طماطم

الطريقة:
نظفى الفراخ كويس بالملح والدقيق والخل
وابشرى بصلة وطماطماية وحطى عليها توابل وملح وفلفل ومعلقتين زيت
وتبلى بيها الفرخة وغطيها وضعيها فى الثلاجة ساعتين

اعملى الحشوة
قطعى القوانص وشوحيها مع معلقتين زيت ثم الكبدة وبصلة مبشورة
وقلبى شوية وبعدين زودى ميه عشان القوانص تستوى شوية
ثم بعد ما البصل يدبل ضيفى البهارات والكارى وملح وفلفل وضيفى الارز المغسول
وقلبى شوية وبعدين ضيفى كوب ماء واتركيه يشرب الميه ويستوى نص سوى
وبعدين ضيفى عليه ربع كوب زبيب مغسول
ثم طلعى الفرخة واحشيها بالرز من جوه وعند الوراك ومن عند الرقبة واقفليها بالخلة أو الابرة
ثم اسلقيها فى ميه مغلية مع ملح وفلفل وورق لورا وحبهان وبصلة
تترك على نار هادئة لمدة ساعة حتى تستوى وتصفى من الشوربة
وبعدين تدهن بالصلصة والزيت أو الزبدة وبهريها بالملح والفلفل ودخليها الفرن تتحمر
وباقى الرز زودى عليه كوب ميه واتركيه على نار هادية يستوى ويقدم مع الفراخ

وممكن بدل ماتسلقيها تجيبى صينية وتحطى فيها خضار مقطع جزر بطاطس مع بصل وطماطم
وترشى عليهم ملح وفلفل وكوباية ميه وتحطى الفراخ عليهم وتغطيها بالفويل ودخليها الفرن تستوى ساعة وربع
وبعدين افتحى الشواية عليها

أرز بالكارى

2كوب أرز مصرى
2معلقة كبيرة زيت
2معلقة كبيرة زبدة
معلقة كارى
2كوب ماء
ملح

الطريقة:
ذوبى الزبدة مع الزيت ثم ضعى معلقة الكارى وقلبى حتى تطلع ريحته(ممكن تشوحى بصلة مفرومة وبعدين حطى عليها الكارى)
ثم ضيفى الارز المغسول وقلبى حتى يتشرب اللون ثم ضيفى الماء وسيبه يغلى على نار عالية(فى ناس بتضيف الميه الاول تغلى وبعدين تضيفى الارز حسب مايعجبك)
حتى يتشرب الماء ثم هدى عليه النار وغطيه واتركيه يكمل سوا تقريبا لمدة نصف ساعة

نصف كيلو جمبرى أو سبيط
معلقتين ثوم مفروم
2عصير ليمون
معلقة ملح
معلقة كمون
فلفل اسود
2معلقة كبيرة خل
كوب دقيق
3بيضات
كوب بقسماط

الطريقة قشرى الجمبرى وقومى بنزع الرأس وقومى بفتح الظهر بشكل طولى لنزع الكيس الرملى
التتبيلة:
ثوم مفروم مع عصير ليمونتين و2معلقة خل وملح وفلفل اسود والكمون
اخلطى المكونات وضعيها على الجمبرى والسبيط
واتركيه نصف ساعة على الاقل
بصي بقي في3طرق لقلي الجمبري
الاولي هي طريقة المحلات الجاهزه
وهي وضع كميه من الدقيق مع كمية ماء وملح وكمون
وبعدهـا يغرز الجمبري أو الجمبرى به وبعدهـا يضعه في الزيت المقدوح

الطريقه الثانيه: هي وضع الجمبري أو السبيط في الدقيق فقط
وبعدها يوضع في الزيت المقدوح
وهي الطـريقه العـاديه المنتشره في قلي السمك بصفه عـامه

الطـريقه الثالثه : وهي أستخدام الدقيق والبقسماط والبيض
وهي تقومي بوضح الجمبري في الدقيق
وبعـدهـا في البيض المتبل بالملح والفلفل الاسود وبعدهـا في البقسماط
وبعدهـا في الزيت المقدوح يقلى الجمبري حتى يصبح لونه ذهبي و يصفى على ورق لامتصاص الزيت الزائد
وديه الطريقة اللى عملتها
ممكن تقدميه مع رز السمك أو ابيض أو رز بالكارى والسلطات

المقادير:
2معلقة زيتون
معلقة كبيرة ثوم
معلقة مسطردة
2معلقة زبدة
بصلة
زعتر
فراخ مقطعة على اتنين او مقطعة على 4 قطع

الطريقة
نعمل الزبدة بطعم الزيتون
نفرم البصلة ونضعها على النار مع معلقتين زيت تتشوح ثم فص ثوم مفروم ونشوح تشويح بسيط
ثم يوضع البصل المتشوح مع الثوم فى الكبة مع المسطردة والزيتون والزعتر وفلفل اسود ورشة ملح
ثم اطحنهم ثم الزبدة الطرية ونخلطهم مع بعض
نقطع الفراخ ونتبلها بالخلطة ونضعها تحت الجلد ثم توضع فى صينية بها معلقتين زيت
ثم تدهن الفراخ بمعلقة زبدة سايحة
ورشة ملح وفلفل اسود
تدخل فرن على نار عالية لمدة 20 دقيقة ثم نهدى النار ونتركها تستوى وبعدين تحمرى وشها تحت الشواية
تقدم مع خضار سوتيه

4قطع فراخ مقطعة
بصلة
فصين ثوم
قرن فلفل أخضر
معلقة كبيرة بابريكا
معلقة صغيرة ملح
معلقة صغيرة فلفل اسود
معلقة كزبرة ناشفة
معلقة صغيرة كمون ناعم
معلقة صغيرة شطة
عصير ليمونة
2معلقة كبيرة خل
كوب زبادى
نصف معلقة صغيرة لون أحمر
معلقة بهارات تندورى+معلقة جراماسالا(لم يكن موجود عندى)
معلقة مسطردة +معلقة كبيرة صلصة+معلقة كبيرة دبس الرمان(اختيارى)

اغسلي الدجاج جيدا إعملي عدة شقوق في اللحم بواسطة سكين حادة ليتشرب خليط التتبيل جيدا.
بهريها بالملح و الفلفل الأسود والبابريكا على قطع الدجاج، ضعيها في طبق زجاجي واسع.
في وعاء الخلاط ضعي البصل، الثوم، المسطردة،الصلصة،دبس الرمان، الفلفل، البابريكا، الملح، الفلفل الأسود، الكزبرة، الكمون، الشطة، عصير الليمون،الخل، الزبادي ولون الطعام، شغلي على سرعة متوسطة إلى أن تحصلي على صلصة ناعمة.
وزعي التتبيلة على الدجاج، غلفيها واتركيها بالثلاجة لعدة ساعات مع التقليب عدة مرات خلال مدة النقع لتتوزع التتبيلة على جميع القطع.
سخني شواية الفرن ضعي قطع الدجاج على شبك معدني فوق صينية وحطيها تحت الشواية تتحمر
تتحمر تاخد لون ثم نقلبها تتحمر وبعدين غطى الصينية ودخليها الفرن وشغلى الفرن من تحت واتركيها ساعة تستوى
أختبري نضج الدجاج بطرف عود خشبي، يجب أن لا ينزل سائل من الدجاج عند غرز العود في اللحم.