التصنيف: اطباق رئيسية

المقلوبة الفلسطينية طبق لذيذ وسهل ومتكامل مش محتاج غير سلطة جنبه
ديممكن تعمليها طبعا بالفراخ او باللحمة أو باللحمة المفرومة المعصجة
والخضار ممكن تنوعى فيها ممكن تعمليها بالقرنبيط بالجزرأو  البسلة  او بصل اى حاجة تعجبك
فى طريقتين لتسويتها: فى ناس بتسوى الفراخ الاول قبل وضعها وفى ناس لأ
وفى بيسوا الارز عادى الاول وبيعملو الطبقات عادى مع وضعها على نار تلت ساعة مثلا تاخد من بعض يعنى انتى زى ماتحبى

المقادير:
نصف كيلو لحمة مكعبات
كيلو باذنجان
نصف كيلو رز بسمتى
بصلة
فصين ثوم
2 حبة طماطم
2 حبة بطاطس
2 حبة فلفل اخضر
بهارات وملح وفلفل وحبهان وجنزبيل بودر وكركم

الطريقة :
نقطع البصلة مكعبات وتشوح مع معلقة زيت ثم نضيف اللحمة ونقلب دقايق ثم نزود الماء ويضاف الفلفل وفصين حبهان ومستكة وورق لورا وتترك تنضج
ونقوم بتقطع البطاطس حلقات وتقلى
نقطع الباذنجان شرائح طولية (اهم حاجةانه تكون الشرائح مش رقيقة يعنى تبقى تخينة شوية وديه من اسباب نجاح المقلوبة)
ثم يرش بالملح نصف ساعة ويقلى ويترك جانبا
ونقطع الفلفل شرائح ويقلى ايضا.. وكذلك الطماطم تقطع شرائح وتقلى بس انا ما قليتهاش

ننقع الرز بالماء نصف ساعة ثم يصفى ونخلط معه معلقة صغيرة ملح ومعلقة كبيرة كركم ومعلقة صغيرة بهارات ونقلبهم مع بعض

فى حلة تيفال (ماتكونش واسعة اوى عشان تعرفى تقلبيها وتطلع مضبوطة بإذن الله)وضعت اللحمة فى الوسط وشرائح البطاطس على الحرف داير مايدورورشيت رشة ملح وبهارت ثم رصيت الباذنجان واقف على جانب الحلة بجانب بعضه ثم نضع طبقة الطماطم والفلفل والثوم ثم نضع الأرز( ونضع عليه طبق عشان لما نيجى نضيف الشوربة الخضار مايطلعش فوق وتفضل كل حاجة زى ماهى)
ثم نضع لكل كوب رز 2كوب شوربة ونكون طبعا مضبطين ملحها حطيت4كوب شوربة ثم نشيل الطبق
وتوضع على نار عالية حتى تغلى ثم توضع على نار هادئة تقريبا ساعة الاربع وتترك ربع ساعة تهدأ مع رفع الغطا قبل قلبها وتزين باللوز المحمص انا زينتها بالبقدونس المفروم

     

هى صينية اختراع وسهلة جدا يعنى تخلطى المكونات وعلى الفرن وممكن البطاطس تقليها نصف قلية وممكن زى ماعملت يعنى زى ماتحبى

المقادير:
تلت كيلو لحمة مفرومة
2حبة بطاطس مقطعة مكعبات
معلقتين بقدونس مفروم
3 حبات طماطم مبشورة
معلقة كبيرة صلصة
بصلة مبشورة
جزرة مبشورة
معلقتين زيت
معلقتين صغيرة ملح ونصف معلقة صغيرة فلفل اسود وبهارات
كوب لبن
معلقتين كبيرة دقيق
2 بيضة
معلقتين جبنة مبشورة

الطريقة:
نخلط اللحمة مع الطماطم والبصل والجزر والبقدونس والبطاطس والملح والفلفل والبهارات والصلصة

ثم نضع معلقة زيت فى الصينية ونضع الخليط ده فى الصينية ونحاول نساوى سطحه ونضع معلقة زيت على الوش

ثم تدخل الفرن تقريبا نصف ساعة على 200
نخلط اللبن مع الدقيق والبيض وملح وفلفل والجبنة المبشورة وبعد نصف ساعة نطلع الصينية ثم نضع عليها خليط اللبن والبيض وتدخل الفرن تانى تقريبا نصف ساعة على 180 حتى يحمر الوش

فى اكل مش بيحبنى خالص منهم الفاصوليا والقرنبيط عشان كده بحاول دايما اجرب حاجات جديدة بيهم اجرب طعمها هايبقى مختلف عن الطعم المخزن فى الذاكرة من قبل بس عشان كده جربت الفاصوليا باللحمة المفرومة مش عارفة اذا كان حد عملها قبل كده ولا لأ بس المهم عملتها وطلعت فعلا جامدة واتنسفت لأخر حبة
معلش طولت عليكم بس حبيبت اضيف انه من خلال خبرتى انه ممكن نستخدم البسلة مثلا بدل الفاصوليا وبألف هنا للى يجرب

المقادير:
ربع كيلو لحمة مفرومة
ربع كيلو فاصوليا خضراء مقطعة
4حبات طماطم مقشرة ومبشورة
معلقة صلصة
بصلة مفرومة او مقطعة مكعبات صغيرة
فصين ثوم
قرن فلفل حامى للى يحب
بهارات وملح وفلفل

الطريقة
فى طاسة واسعة نضع معلقتين زيت ثم البصل ونقلب دقيقة ثم الثوم والفلفل الحار ثم اللحم المفروم ونقلب لحد مايغير لونه ثم نضيف الطماطم والصلصة ونقلب ثم الفاصوليا والملح والفلفل والبهارات وزودى 2كوب ماء يغلى غطيه واتركيه على نار متوسطة حتى يتسبك بس وقدميه
انا زينته ببطاطس مقلية وبقدونس مفروم

قدمتها مع سلطة بنجر بالفراخ بالزبادى ومع رز ابيض

المقادر:

• ربع كيلو فيليه دجاج
• مشمش مجفف- اراصيا- زبيب- تين مجفف
• جبنة فيتا – كرفس مجفف
• معلقتين زبدة – ملح وفلفل اسود
• الصوص(معلقتين مسطردة- معلقة كبيرة عسل- معلقة كبيرة خل-ملح وفلفل – معلقتين شت مفروم- معلقتين زيت)
• ملح و فلفل أسود

الطريقة

نبطط الفيليه ثم يتبل بالملح والفلفل والكرفس ونضع عليه الفواكه المقطعة والجبنة ونلفه بخيط او بخلة اسنان يا اما تلفيه بورق فويل ويسلق نصف ساعة ثم نشيل الفويل ويتحمر او فى طاسة معلقتين الزبدة يسخن اوى ثم نضع الفيليه ويحمر من جميع الجوانب ثم يزود كوب ماء ويغطى بفويل ويدخل الفرن نصف ساعة حتى ينضج ثم يترك يبرد ثم يقطع ونخلط مكونات الصوص ويصب على تشيكن رول

المقادير:
عيش شامى مقطع مكعبات مقلى او محمص
نصف كوب شوربة

للشاورما:
نصف كيلو فيليه دجاج مقطع شرائح
معلقتين كبيرة خل
كوب زبادى
ملح وفلفل اسودر وبهارات
بصلة مبشورة او مقطعة صغيرة
فصين ثوم مفروم
معلقتين صلصة
فلفل الوان مكعبات
ثمرة طماطم مكعبات

مقادير الارز:
2 كوب رز بسمتى
معلقة كبيرة كركم
وقرفة وقرنفل ولومى حب

مقادير الثومية:
علبة زبادى
معلقتين كبيرة مايونيز
ثمرة بطاطس مسلوقة
ومعلقة كبيرة ثوم بودر وملح وفلفل

الطريقة:
نتبل الدجاج جميع المقادير ماعدا الفلفل والطماطم تقريبا ساعتين او اكتر ثم فى طاسة مع معلقتين زيت مع التقليب حتى تنضج لو احتاجت ميه ممكن نزود شوية ثم نضيف الطماطم والفلفل ونتركها دقايق على النار ثم نطفى

لعمل الارز:ينقع الارز فى الماء نصف ساعة ثم يصفى فى حلة على النار معلقتين زبدة ثم نضيف البهارات الحب والكركم ونقلب حتى تطلع ريحتهم ثم ضيفى الارز وقلبى دقايق ثم ضيفى الميه ويترك حتى ينضج

لعمل الثوميه نخلط جميع مكونات الثوميه فى الخلاط

فى صينية بايركس نضع طبقة اليش المحمص ونسقيه بنصف كوب شوربة وشوية من صوص الثومية ثم طبقة الارز ثم جزر من صوص الثومية ثم طبقة الشاورما وتزين بالبقدونس المفروم