التصنيف: حلويات

المقادير:
4 بيضات
3\4 كوب دقيق ابيض
3\4 كوب دقيق سميد او سمولينا او دقيق البسبوسة
1\2 كوب سكر
معلقة صغيرة فانيليا
معلقة صغيرة بيكنج بودر
معلقة صغيرة بشر برتقال

مقادير الشربات:كوب عصير برتقال وكوب سكر ومعلقة صغيرة عصير ليمون

الطريقة:
فى وعاء اخفقى البيض مع الفانيليا وبشر البرتقال لمدة دقيقتين ثم ضيفى السكر مع الخفق حتى يتضاعف حجمه مهمة الخطوة ديه ولونه يبيض
ثم اخلطى الدقيق مع السميد مع البيكنج بودر وضيفى معلقة معلقة وقلبى بمعلقة خشب من تحت لفوق وبطريقة دائراية لغاية ماتختفى فى البيض وهكذا لحد ماتخلصى مقدار الدقيق بالراحة ثم يوضع فى صينية مدهونة سمنة ومتبطنة بدقيق السميد ثم نصب فيها الخليط تدخل فرن 180 لمدة 25 دقيقة :30
ثم نعمل الشربات:يوضع السكر مع العصير على النار ولما يغلى نضيف الليمون ويغلى غلوة واحدة ونطفى
بعد ماتستوى الروانى تسقى بالشربات الساخن ثم تدهن باى نوع مربى وترش بجوز الهند

ملاحظة:
الروانى بيتعمل من غير بيكنج بودر بس ممكن تضيفيه زيادة تأكيد ولازم البيض يتضرب كويس مش اقل من 10 دقايق

الشربات بيتعمل عادى بالميه والسكر بس للتغيير عملته بالبرتقال

المقادير:
نصف كيلو قطايف
وديه طريقة القطايف اللى عملتها
http://www.lahlopa.com/2011/07/%D9%82%D8%B7%D8%A7%D9%8A%D9%81/
الحشوة:
3معلقة كبيرة نشا
3معلقة كبيرة سكر
معلقة صغيرة فانيليا
علبة قشطة
الشربات(كوب ونصف سكر+كوب ماء _معلقة صغيرة عصير ليمون يغلى دقايق على النار حتى يسمك قليلا)
مكسرات مجروشة للوجه

الطريقة:
تحضر الحشوة:
تذاب النشا في اللبن البارد ويخلط بالسكر ويرفع على النار حتى يبدأ في الغليان تضاف الفانيليا وتقلب بسرعة حتى تتماسك ونحصل على القوام المطلوب ثم ترفع من على النار ويخلط معها علبة القشطة
تغلق القطايف من طرفين متقابلين ثم تغلق من طرفين المقابلين بنفس الطريقة لنحصل على شكل الكوب وتقلى فى زيت ساخن ثم تسقط فى الشربات لدقايق وتصفى وتحشى بالحشوة ونرش علي الوجه مكسرات مجروشة

المقادير:
3كوب جوز هند مبشور ناعم
علبة لبن محلى تقريبا كوب ونصف
بندق او لز محمص
جوزهند للزينة

الطريقة :
يخلط جوز الهند باللبن المحلى ونعجنها ثم تترك فى الثلاجة ساعة ثم نأخذ مقدار معلقة صغيرة من العجينة ونضع قطعة بندق فى وسطها ونقفلها ثم ندحرجها فى جوز الهند ثم تضع فى الثلاجة عدة ساعات
ديه طريقة اللبن المكثفhttp://www.lahlopa.com/2012/05/%D8%A7%D9%84%D9%84%D8%A8%D9%86-%D8%A7%D9%84%D9%85%D8%AD%D9%84%D9%89-%D8%A7%D9%84%D9%85%D9%83%D8%AB%D9%81/

المقادير:
كيلو تفاح تقريبا 7 وحدات
معلقة كبيرة قرفة
معلقتين كبيرة نشا
4 ملاعق كبيرة زبيب
معلقتين زبدة
نصف كوب سكر
بشر ليمونة وعصيرها

مقادير الكرامبل:
كوب دقيق
كوب سكر
كوب شوفان
نصف كوب كورن فليكس
كوب زبدة

الطريقة:
نقطع التفاح مكعبات متوسطة ويوضع فى ماء بليمون حتى تقطعى باقى كمية التفاح عشان مايسودش
فى طاسة نضع معلقتين الزبدة ثم نضيف التفاح ونقلب ثم السكر ونقلب دقايق حتى يدبل شوية وبعدين نضيف البشر وعصير الليمون الزبيب والقرفة والنشا ونقلبحتى يختلط كله ببعضه ونطفى عليها ثم توضع فى صينية مدهونة
فى وعاء اخلطى مقادير الكرامبل واخلطيهم باليد حتى تختلط الزبدة بباقى المكونات تبقى عاملة زى الكسكى مفتتة ثم حطيها على وش التفاح دون ان تضغطى عليها باليد ورشى شوية قرفة على الوش ودخليها فرن ساخن على 180 درجة نصف ساعة تبرد ثم تقدم مع ايس كريم وصوص التوفى