التصنيف: حلويات

 

المقادير:
نصف كيلو كنافة
تقريبا كوب لبن محلى
سودانى او اى مكسرات
سمنة

الطريقة:
يفضل وضع الكنافة طوال الليل فى الثلاجة قبل عملها حتى تكون سهلة التفتت
نفتتها باليد حتى تكاد تكون مفرومة ثم تحمر فى سمنة على النار مع التقليب على نار هادئة حتى تتحمر ويبقى لونها ذهبى الخطوة ديه هتاخد وقت شوية فى التحمير
ثم تتبرد شوية اخلطى معاها اى مكسراتمحمصة مجروشة ثم يوضع اللبن المحلى ويقلب حتى تبقى كتلة واحدة
ممكن تشكليها زى ماتحبى ممكن تعمليها كرات وممكن تجيبى قوالب الثلاجة اى شكل وتضعى كمية منها فى القوالب وتضغطى عليها ثم تدخل الفريزر دقايق مش اكتر من كده عشان هتلزق ومش هتعرفى تطلعيها وتطلعيها تقلبى القالب هتطلعى معاكى بسهولة ووتوضع فى الثلاجة حتى التقديم
انا حطيت الاول فى القوالب سودانى

ملاحظة:
ممكن تستخدمى الشربات بدل اللبن المحلى بس طعمها احلى باللبن

وديه طريقة سهلة للبن المحلى فى البيت

اللبن المحلى المكثف

 

المقادير:
3كوب دقيق
2كوب سكر
5بيضات
نصف كوب زبادى(علبة زبادى جهينة)
3ثمرات موز
كيس بيكنج بودر
فانيليا
ربع معلقة صغيرة بيكنج صودا(بيكربوناتو)
كوب زبدة

مقادير قاع الكيكة:
كوب سكر
معلقتين ماء
معلقتين زبدة
5ثمرات موز

الطريقة:
فى الصينية اللى هنعمل فيها الكيكة يوضع فيها السكر والماء والزبدة ويوضع على النار حتى يتحول لكراميل للون الذهبى ثم نطفى عليه ونرص شرائح الموز فى الصينية على الكراميل بحيث تغطى القاع
ثم نخفق الزبدة مع السكر حتى يدوب السكر ثم نضيف البيض ويخفق ويضاف الفانيليا
ثم يهرس الموز ناعم جدااااااااااااا يبقى بيوريه ويخلط مع الزبادى ويضاف للخليط السابق ونقلب كويس ثم نضيف الدقيق مع البيكنج بودر والبيكنج صودا ونقلب حتى يختلط الدقيق بالخليط ويصب فى الصينية على الموز والكراميل (الخليط بيبقى تقيل شوية)ثم يدخل فرن ساااخن 170 درجة تقريبا 50لساعة تبرد 5 دقايق ثم تقلب على طبق التقديم

المقادير:
2ونصف كوب دقيق
نصف كوب زبدة
3ملاعق صغيرة بيكنج بودر
6ملاعق كبيرة سكر
معلقة صغيرة ملح
3\4 كوب لبن

تفاحتين متوسطتين
معلقة صغيرة قرفة
معلقتين سكر
معلقة زبدة
معلقة صغيرة عصير ليمون

الطريقة:
نقشر التفاح ويقطع مكعبات صغيرة ويوشح على النار مع معلقة الزبدة ومعلقتين السكر ومعلقة صغيرة عصير ليمونة ويقلب دقايق حتى يطرى التفاح ونطفى عليه

فى اناء يوضع الدقيق مع السكر والبيكنج بودر والملح ومكعبات الزبدة وتكون باردة وتخلط باليد فى الدقيق حتى تختفى الزبدة فى الدقيق ثم نضيف التفاح واللبن ونحاول نلم العجينة حتى تختلط المكونات ماتتعجنش
افردى العجينة بسمك 2سم وتقطع مثلثات وترص فى صينية مدهونة زيت ويدهن الوجه بالبيض والفانيليا ويدخل فرن ساخن تقريب 20 دقيقة

وزينتها بصوص الكراميل

المقادير:
3كوب دقيق
4بيضات
كوب زبدة
2كوب سكر
نصف كوب لبن
فانيليا
معلقتين صغيرة بيكنج بودر

نضرب فراولة فى الخلاط وناخد 2\3كوب

الطريقة:

فى بولة نخلط المكونات الجافة وفى بولة اخرى نخلط اللبن مع صوص الفراولة
فى بولة اخرى نخفق الزبدة حتى تكون كريمية مع اضافة السكر تدريجيا مع الخفق ثم نضيف البيض مع الخفق حتى يختلط البيض ثم نضيف نصف مقدار الدقيق ثم خليط اللبن ثم باقى الدقيق ونقلب حتى يختلط الدقيق ثم يصب فى صينية مدهونة ومبطنة بالدقيق يدخل فرن ساخن 170 درجة تقريبا 40 دقيقة

زينتها بصوص شيكولاتة

ملاحظة:ممكن تضيفى لون احمر