التصنيف: اطباق رئيسية

المقادير:

• مخ
• لسلق المخ: جزر وكرفس ورق لورا بصل
• للتغطية:2بيضة ربع كوب لبن ملح وفلفل وبقسماط

الطريقة:

نغسل المخ بالخل ثم يسلق فى ماء مغلى مع بصلة والجزر والكرفس وورق اللورا وملح وفلفل تقريبا يترك يغلى لمدة عشر دقايق ثم نطفى النار وينشل فى ماء بارد ثم يوضع فى الفريزر نصف ساعة قبل التقطيع ويقطع شرائح ثم يوضع فى الدقيق ثم البيض وملح وفلفل واللبن ثم البقسماط ثم يقلى

المقادير
• كيلو سمك بورى
• ثمرة فلفل حامى مقطعة
• ثمرة فلفل اخضر مقطعة
• ثمرة طماطم مقطعة
• جزرة مبشورة
• ليمونتين
• 5 فص ثوم مدقوق
• ملح- فلفل اسود -كمون – كزبرة ناشفة – بهارات
• زيت
• كزبرة خضراء مفروم

الطريقة:

يغسل السمك جيدا وينظف وتشق السمكة بالطول من ظهرها الى نهايتها وتقطعى الرأس او لأ زى ماتحبى فى صينية مدهونة زيت نضع السمك مفرود ثم نرش عليه ملح وفلفل وكمون
نخلط الطماطم مع الفلفل المقطع والكزبرة والثوم والجزر ونضع عليهم عصير الليمون وباقى التوابل ثم نضعهم على السمك من فوق ونرش عليه الزيت ويدخل فرن ساخن تقريبا نصف ساعة
ملاحظة : ممكن تزودى بصلة مبشورة مع الخلطة بس انا مش بحب البصل مع السمك

المقادير
• 2كوب أرز
• ربع كيلو كبدة بقرى
• فصين ثوم مفرومين
• 2كوب ماء
• بصلة مبشورة
• ملح
• 2معلقة زيت او زبدة
• نصف معلقة صغيرة كمون

الطريقة

نشوح البصلة مع معلقتين زيت ثم نضيف الكارى ونقلب شوية وثم نضيف الرز المغسول والملح ونقلب شوية ثم الماء ويترك يغلى ثم نهدى النار حتى ينضج
فى طاسة نضع معلقتين زيت تسخن اوى ثم نضيف الكبدة ثم نقلب دقايق حتى تتنضج وفى قالب نضع جزء من الكبدة ثم جزء من الارز ثم الكبدة ثم الارز ويقلب ويقدم

وممكن بعد ماتشوحى الارز تحطى الكبدة وتزودى الميه وتسيبه يستوى بس ديه طريقتى

المقادير

• سمكة كيلو(لوط او قاروص)
• 4فصوص ثوم مفروم
• 3ملاعق كبيرة مايونيز
• عصير ليمون
• ملح وفلفل وكمون
• حلقات فلفل الوان
• للتزيين جمبرى صغير – حلقات كاليمارى مسلوق حسب الرغبة

الطريقة

يغسل السمك جيدا وينظف وتشق السمكة بالطول من ظهرها الى نهايتها وتقطعى الرأس او لأ زى ماتحبى ونشيل العمود الفقرى للسمكة ثم يتبل بالثوم والملح والفلفل والكمون والليمون ويوضع على صينية مدهونة زيت ويدخل الفرن يكون ساخن جدا تقريبات 10 دقايق ثم نطلعها وتدهن بالمايونيز ونرص عليها حلقات الفلفل الالوان والجمبرى وحلقات الكاليمارى لو موجود يعنى زينيها زى ما يعجبك هى طعمها حلو من غير حاجة بس وتدخل الفرن تانى تقريبا 7 دقايق بس يتحمر الوش