التصنيف: اطباق رئيسية

كبدة مقلية بالردة

نصف كيلو كبدة شرائح
2كوب ردة
2م زبدة +2م زيت
2م ثوم مفروم
ملح
م كمون
ليمونة
قرن فلفل حار
1\م بابريكا

1- تغسل الكبدة ب م خل و2م دقيق وتغسل بالماء وتصفى

2-تنقع فى التتبيلة(ثوم -الفلفل المقطع او المفروم مع الثوم- والملح والكمون والبابريكا وعصير الليمون) وتغطى عشان ريحة الثوم وتترك فى الثلاجة لمدة ساعتين

3- توضع الكبدة فى الردة على الجانبين ثم يوضع الزبدة مع الزيت على النار
وتوضع الكبدة فى الطاسة كل وجه لمدة 3 دقايق مش اطول من كده عشان ماتجلدش وتشد
طبعا لو احتاجت زودى معلقتين زيت كل مرة

ثم تقدم مع سلطة وخبز وبطاطس محمرة
أو تقدم مع مكرونة وسلطة

مكرونة البيتزا

مكرونة البيتزاااااااا

المقادير:
كيس مكرونة اسباجيتى
2معلقة جبنة سائلة
معلقة كبيرة مايونيز
جبنة موتزريلاا
علبة تونة(ممكن لحمة مفرومة معصجة أو صدر دجاج مقطع ومشوح فى معلقة زبدة)
فلفل اخضر رومى
حبة طماطم
مشروم(اختيارى)
صلصة بيتزا

الطريقة:

نسلق المكرونة وتخلط مع  معلقة مايونيز ومعلقتين جبنة سايلة ومعلقة صلصة بيتزا وبعدين حطيها فى قالب او صينية
ثم على الوش حطى صلصة البيتزا وبعدين جبنة موتزريلاا ثم لحمة معصجة او تونة او فراخ مكعبات مشوحة مع بهارات
ومشروم ثم جبنة موتزريلاا وحلقات فلفل اخضر وحلقات طماطم ورشة زعتر وحلقات زيتون
تدخل فرن 200 من تحت 20 دقيقة وبعدين تحت الشواية 10دقايق

 

جلاش باللحمة المفرومة

جلاش باللحمة المفرومة

المقادير:
باكو جلاش
1/2كيلو لحمة مفرومة
بصلة مبشورة
ملح+فلفل اسود
بيضة+كوب لبن
1/2كوب زبدة مع زيت
2معلقة كبيرة جبنة موتزريلاا

نعصج اللحمة:
ضعى اللحمة فى طاسة وقلبيها على النار بدون إى إضافات حتى يتغير لونها ثم ضيفى بصلة مبشورة وفلفل اسود وبعد 10 دقائق ضيفى ملح وممكن مكعبات طماطم وفلفل أخضر
نحضر الجلاش ثم نفرده ونأخذ طبقة واحدة منها ونقيسها على مقياس البايركس او الصينية التي لدينا ثم نضعها فوق الطبقات الباقية ونقصها على الحجم نفسه .
ثم نسيح الزبدة مع الزيت وندهن البايركس ثم نضع أول طبقتين وندهن السطح بالزبدة بالفرشاة ثم نكرر العملية حتى يصبح لدينا نصف مقدار  الجلاش ثم نفرد الحشوة على الوجه والجبنة الموتزريلاا ثم نعيد الكرة بوضع كل طبقتين وندهن وجههما بالزبدة حتى تنتهي الكمية ثم نقطع الصينية جيداً بسكين حاد للقاع مثلثات أو مربعات ثم وصبى عليها كوب اللبن مع البيضة المخفوقة وملح وفلفل اسود ثم ندخلها الفرن 180 درجة لمدة نصف ساعة
طلعيها وعيدى تقطعيها على التقطعية السابقة

كوسة بالبشاميل


كيلو كوسة مقشرة ومقطعة حلقات مدورة أو تقطع انصاف بالطول
نصف كيلو لحمة مفرومة
بصلة مفرومة
2معلقة كزبرة خضراء
مكعب ماجى
بالنسبة للبشاميل:
4ملاعق دقيق+4ملاعق زبدة او زيت+3كوب لبن
جبنة موتزريلاا
الطريقة:
تسخن ملعقتين زيت في طاسة ثم تضاف البصلة المفرومة و تقلب حتى تصفر
يضاف اللحم المفروم يقلب لمدة دقيقتين تخفض النار وتضاف الملح والفلفل تترك لمدة 15 دقيقة
ثم نرفعها من على النار ويضاف إليها الكزبرة المفرومة
الكوسة ليها طريقتين:
1-إما انا تشوح مع بصلة وفص ثوم مفروم وملح وفلفل واى بهارات تحبيها وتترك على النار 10 دقايق
2- أو انها تسلق فى ماء مع مكعب ماجى لمدة 10 دقايق وده بالنسبالى أفضل
البشاميل:
تذوب الزبدة فى حلة على النار ثم يضاف الدقيق ويقلب باستمرار  ثم يضاف اللبن الساخن تدريجيا ويخفق باستمرار حتى يتقل ويغلى ويضاف ملح وفلفل أبيض
ثم يرفع من على النار
نركب الصينية بطريقتين:
1-توضع نصف كمية الكوسة في صينية  لتكوين طبقة مستوية يضاف اللحم المفروم المعصج ثم النصف الآخر من الكوسة نضيف البشاميل على الوش
2-أو نخلط الكوسة مع اللحمة المفرومة مع مغرفة بشاميل ثم نحطها فى البايريكس ونضيف على الوش باقى البشاميل الطريقة ديه احلى بكتير
ثم تدخل الفرن ساخن 180 درجة لمدة 45 دقيقة ثم اطلعها اضيف على وشها جبنة موتزريلاا وادخلها تحت الشواية تتحمر

الكبدة الاسكندرانى

كبدة اسكندرانى

نصف كيلو كبدة مقطعة شرائح رفيعة
3فصوص ثوم كبير مفروم
فلفل حار أو رومى مقطع شرائح
2 معلقة خل
عصير ليمونة
معلقة كبيرة كمون
معلقة صغيرة كسبرة ناشفة
معلقة ملح
شطة حسب الرغبة

الطريقة:
تتبل الكبدة بالثوم والبهارات والخل والملح وتترك لمدة 3 ساعات فى الثلاجة بعد تغطيتها عشان رائحة الثوم
نضع زيت على النار حتى يسخن اوى ثم نسقط الكبدة ومانقلبش وبعد دقيقة قلبى
نتركها في الزيت حتى تتخلص من مائها وتقلب بملعقة خشبية في الزيت حتى تنضج لفترة نحو 7 دقائق حتى لا تجف وتظل محتفظة بقوام طري ثم تضاف مكعبات الفلفل وتقلب لمدة دقيقة ثم نشيلها من على النار عشان ماتنشفش وتجلدش
ترفع من الزيت وتقدم ساخنة ونعصر عليها ليمون وتزين بشرائح الليمون إلى جانب البطاطس المقلية والمخللات
كما يمكن تقديمها إلى جانب المعكرونة بصوص الطماطم