المقادير:
نصف كيلو لحمة مفرومة
بصلة متوسطة مبشورة
بيضة
نصف كوب بقسماط
معلقتين صغيرة ملح
معلقة صغيرة فلفل اسود وبهارات
الحشوة:جبنة كريمى مع بقدونس وفلفل احمر مشوى مكعبات وجبنة شيدر مبشورة
الطريقة:
نخلط اللحم مع باقى المقادير وتوضع فى الثلاجة نصف ساعة ثم ناخد قطعة منها نحاول نفردها ثم توضع على كورنيه زى قمع بس صاج ونضغط عليها ثم تقلى فى زيت ساخن مع التقليب
ولما تبرد نشيل منها القمع وتحشى بالجبنة انا قدمتها على خس مع زيتون
المقادير:
كيلو دبابيس
كوب كريمة طبخ او لبانى
معلقتين كبيرة زبادى
معلقة كبيرة صلصة
معلقتين كبيرة زيت
ملح وفلفل وبهارات
معلقة كبيرة خل
الطريقة:
نتبل الدبابيس بالزبادى والصلصة والملح والفلفل والبهارات والزيت ومعلقة كبيرة خل 3 ساعات
ثم توضع فى طاجن ونصب عليها الكريمة وتدخل فرن تقريبا ساعة على نار عالية لو ما اتحمرتش نفتح عليها الشواية
المقادير:
نصف كيلو سجق
كوب فلفل الوان او اخضر حسب المتاح مقطع شرائح طولية
قرن فلفل حار
معلقتين صويا صوص
4 ملاعق كبيرة دبس الرمان
رشة ملح وفلفل اسود
بصلة مقطعة شرائح طولية
فصين ثوم مفروم
الطريقة:
نضع فى طاسة معلقة زيت تسخن ثم نضيف السجق ولما يبتدى يتحمر نقلبه ونضيف البصلة ونقلب فيه دقايق لحد مايستوى
لو احتاج سوى ممكن تزودى شوية ميه وتغطيه لحد مايستوى
ثم ضيفى الثوم والفلفل الالوان وقلبى دقايق ثم ضيفى الصويا ودبس الرمان وقلبى دقيقة واطفى النار
المقادير:
2كوب ارز
كوب جزر مبشور
كوبين ماء
ملح
معلقتين زيت مع معلقتين زبدة
الطريقة:
فى حلة نضع الزيت ثم نشوح الجزر (ممكن تضيفى قبل الجزر بصلة مقطعة مكعبات ثم الجزر)ونضيف الرز المغسول
ونقلب ثم نضيف الملح ثم نضيف الميه السخنة ثم يغلى نهدى عليه ونغطيه لحد مايستوى
المقادير:
2كوب رز
كوب ذرة حلوة
كوبين ماء
ملح
معلقتين بقدونس مفروم
الطريقة:
نشوح الرز فى معلقتين زيت مع معلقتين زبدة ثم نضيف الملح والميه ويغلى نهدى النار ونغطى عليه لحد مايستوى
ثم نشوح الذرة بمعلقة زيت (ممكن تشوحيها ببصلة مقطعة )واطفى النار وبعد ما الرز يستوى ضيفى عليه الذرة
والبقدونس وقلبيهم وبس
