التصنيف: مقبلات وسلطات

المقادير:
كيلو باذنجان اسود رفيع
نص رأس ثوم
معلقة كبيرة كمون
3قرون فلفل اخضر حار
2طماطم(اختيارى)
2معلقة صغيرة ملح
عصير ليمونتين
معلقتين خل

الطريقة:
نقمع رأس البانجان بنزع الرأس باليد وليس بالسكينة ثم يغسل
يوضع فى الماء فى حلة ويوضع على النار حتى يستوى
يمكنك فحص النضج بغرز الباذنجان بأسنان الشوكة فاذا دخلت بسهولة يكون قد نضج
ثم يشطف بالماء ويصفى واحشيه بالخلطة
وممكن يقلا الباذنجان بدل السلق

الخلطة:
ضعى الثوم فى الكبة أو المطحنة او فى الهاون مع الملح والكمون
ثم ضيفى الخل والليمون وافرمى تانى
وبعدين قطعى طماطم وفلفل اخضر صغير اوى او ممكن تفرميهم مع الثوم واخلطيهم مع بعض
ثم خدى الباذنجان وبالسكينة اعملى تجويف طولى فى داخل الباذنجان
رصى الباذنجان فى علبة واعصرى عليه ليمون ولو فى باقى خلطة حطيه على الوش
وغطيه ودعيه فى الثلاجة ويفضل يحفظ بيه لمدة ليلة قبل الاكل

المقادير:
ربع كيلو لحمة مفرومة
نصف كيلو رقاق طرى
بصلة مبشورة
طماطم مبشورة
فلفل الوان مقطعة مكعبات
ملح
فلفل اسود
لتر شوربة
كوب لبن
معلقتين زبدة

الطريقة:
نضع اللحمة المفرومة فى طاسة على النار ونقلب شوية لحد مايتغير لون اللحمة
ثم نضيف البصلة المبشورة ونقلب شوية ثم نضيف الطماطم والفلفل المكعبات
والبهارات وملح وفلفل اسود ونقلب لمدة ربع ساعة حتى يتم تعصيج اللحمة

نخلط اللبن مع الشوربة مع معلقتين سمنة ونضعهم فى طبق واسع شوية
ونضع واحدة من الرقاق فى الشوربة ونطلعها على طول
ممكن تقسيمى الرقاقة لارع قطع وتحشى كل قطعة باللحمة المفرومة وتلفيها على هيئة سيجار اور رول
او من غير تقطيع تفرديها وتحطى الحشوة على الطرف وتلفى
وبعدين ترصيهم فى صينية مدهونة ونضع كبشة من الشوربة على الوش على القطع وتوضع فى فرن ساخن 180 درجة لمدة ربع ساعة
وبعدين نحمر الوجه دقيقتين ولما تبرد شوية نقطعها بالورب

ملحوظة : لم اجد رقاق طرى فعملته
4كوب دقيق
كوب ونصف ماء للعجن ممكن اقل
رشة ملح
رشة سكر

نخلط الدقيق مع الملح والسكر ونعجن بالميه لحد مايتكون لدينا عجينة لينة متماسكة
ونعجن 10 دقايق بالمكنة أو باديك 20 دقيقة
وبعدين نقطعها كور تقريبا كانوا 10 كور متوسطة
وترشى عليهم دقيقى واتركيهم ربع ساعة تستريح
وبعدين افرديهم على رخامة مرشوشة دقيق
وافرديها اوى رققيها اوى
وبعدين فى طاسة تيفال سخنة حطى الرقاق اللى فردتيه
وبعد دقيقة اقلبيه على الناحية التانيه بس وطلعيه وهكذا حتى تخلصى الكمية
واستعمليه بعد مايبرد

2 باذنجان رومى
فصين ثوم
ليمونة
1\2 كوب طحينة
معلقة بقدونس مفروم

يغسل الباذنجان ثم يجفف ويوضع فى الفرن يشوى
او يخرم بالشوكة ويوضع على عين البوتجاز اسهل
ولما يتشوى يوضع فى كيس بلاسنيك عشان يعرق ليسهل تقشيره
ثم توضع فى الكبة او تهرس بالشوكة
ثم الثوم المفروم وعصير الليمون والبقدونس ونعمل الطحينة بالماء ومعلقة خل وكمون ويقلبوا مع بعض بالشوكة
وتقدم فى طبق ويرش على الوجه زيت زيتون

المقادير:
ربع كيلو سبنانخ
ربع كيلو بنجر
حبة طماطم
معلقتين ذرة حلوة
معلقة مسطردة
ملح
فلفل اسود
معلقة سكر
عصير ليمونة

الطريقة:
فى برطمان نخلط المسطردة والملح والفلغل والسكر والليمون ونرجها شوية
نسلق البنجر ونقشره ونقطعه مكعبات
نغسل السبانخ ونقطعها خشنة مش مفرومة اوى
ونقطع الطماطم مكعبات
ثم نضع جزء من الدريسنج عليهم ونقلبهم
فى طبق التقديم نضع السبانخ والبنجر وعليهم باقى الدريسنج وعلى الوجه الذرة الحلوة

بجد طعمها تحففففففففة