المقادير:
جبنة موتزريلاا
فلفل اخضر حلو
طماطم
زيتون
عجينة العشر دقايق
فى اللينك التالى
http://www.lahlopa.com/2011/08/%D9%81%D8%B7%D8%A7%D9%8A%D8%B1-%D8%A8%D8%A7%D9%84%D8%AC%D8%A8%D9%86%D8%A9/
او اى عجينة انتى تحبيها وبتطلع معاكى مضبوطة
(بس انا فى مقادير العجينة شيلت كوب ونصف دقيق وحطيت بداله كوب دقيق قمح كامل ونصف كوب ردة (
صلصة البيتزا جاهزة او ممكن تعمليها وهاقولك طريقتى او ممكن تحطى كاتشب بدل الصلصة
الصلصة:
3وحدات طماطم سلقتهم 5 دقايق فى المية ثم قشرتهم وقطعتهم مكعبات وفى طاسة على النار ضعى 2معلقة زيت ثم فصين ثوم مفروم ثم الطماطم ونقلب شوية ثم ضعى معلقتين صلصة وذرة سكر والملح والفلفل وزعتر وقلبيبها وتتسبك واطفى عليها وبعدين اضربيها فى الخلاط ادهنى وجه البيتزا بيها
الكفتة:
ربع كيلو لحمة مفرومة
بصلة كبيرة مبشورة
3ملاعق بقدونس مفروم
معلقة ملح
معلقة فلفل اسود
بهارات
الطريقة:
نعمل الكفتة نخلط كل مكونات الكفتة ونكورها كور كبيرة شوية عشان لما تستوى هاتنكمش وتشوحيها فى معلقة زيت تتحمر من جميع الجهات
أو ترصيها فى صينية مدهونة وتدخل الفرن ربع ساعة
نعمل العجينة زى اللى فى اللينك ثم تقطع على كور كبييرة شوية على اد الصينية وتفرد على الرخامة مرشوشة دقيق
ثم نشيلها توضع على صينية مرشوشة دقيق او مدهونة زيت وممكن تحطيها فى الصينية وتفرديها عليها ثم نضع الصلصة ونرص الكفتة على الاطراف بس نسيب مسافة 2سم بره
وبعدين نرجع نلف الطرف الخارجى على الكفتة ونثبتها بينها ونضغط عليها
ثم نرش جبنة على الصلصة وبعدين نضع حلقات فلفل اخضر وزيتون وشرائح طماطم وممكن بصل زى ماتحبى وبعدين جبنة تانى على الوش وندهن الحروف بالزيت
وتدخل فرن عالى 200درجة لمدة ربع ساعة وممكن 20دقيقة وحمرى الوش تحت الشواية
