حواوشى اسكندرانى-معجنات وفطائر لهلوبة

المقادير:
عجينة العشر دقايق أو اى عجينة انتى مرتاحة ليها
عموما ده لينك عجينة العشر دقايق هى اللى بعملها
http://www.lahlopa.com/2011/08/%d9%81%d8%b7%d8%a7%d9%8a%d8%b1-%d8%a8%d8%a7%d9%84%d8%ac%d8%a8%d9%86%d8%a9/
الحشوة:
ربع كيلو لحمة مفرومة
ثمرة طماطم كبيرة تقطع مكعبات صغيرة
2بصلة كبيرة مبشورة
5ملاعق كبيرة بقدونس مفروم
3ملاعق كبيرة طحينة
معلقتين زيت
معلقة كبيرة ملح
معلقة صغيرة فلفل اسود
لو فى ليه ضانى حطى حتة صغيرة مفرومة بتبقى طعمها وريحتها تحفة

لدهان الوجه:بيضة مع نصف معلقة صغيرة قهوة او نقطتين خل ومعلقتين لبن او ماء مع ملح وفلفل _وسمسم

الطريقة:
نعمل العجينة ونقطعها كور متوسطة
ونخلط الحشوة كلها مع بعض
ثم نفرد اول كرة عجينة ونضع عليها الحشوة

ونفرد كرة عجينة اخرى وتوضع على الحشوة ونقفلها من الحروف

او ممكن بعد مانضع الحشوة والعجينة التانية نضغط عليها عشان يمسكوا فى بعض وبعدين قطعى الزيادة وممكن قبل ما تحطى العجينة التانية بلى الحروف بشوية ميه وبعدين الحشوة والعجينة التانية واضغطى على الحروف عشان تلزق فى بعض وبعدين قطعى الزيادة بالسكينة

او ممكن تجيبى كرة عجين تكون اكبر شوية وافرديه شوية صغيرة وبعدين حطى الحشوة فى النصف ولمى الحروف وقفليها وبعدين اقلبيها وافرديها بالنشابة بس بالراحة عشان العجينة ماتتقطعش