التصنيف: اطباق رئيسية

المقادير:
2كوب ارز
جوزين سمان
2كوب لبن+كوب ماء او شوربة
معلقتين كبيرة زبدة+معلقة زيت
معلقتين كبيرة قشطة او كريمة
ملح وفلفل اسود

الطريقة:
نغسل الارز وننقعه نصف ساعة
ونغسل السمان كويس بالملح والخل والدقيق عشان الزفارة وممكن نقطعه نصفين ثم يتبل بالملح والفلفل و نشوحه فى طاسة سخنة لمدة دقايق حتى ياخد لون دهبى
فى طاجن ضعى الارز المصفى ويتبل بالملح والفلفل وويدعك بالزبدة والزيت ثم نرص قطع السمان ويغلى اللبن مع الميه على النار ثم يضاف على الارز والسمان وعلى الوش القشطة ويغطى بالفويل ويدخل فرن سخن عالى لمدة ربع ساعة وبعدين نهدى على النار على 180 فى اخر 10 دقايق نشيل الفويل عشان يحمر الوش

المقادير:
2كوب رز بسمتى مسلوق
نصف كيلو فيليه
بصلة مقطعة مكعبات
فصين ثوم
كوب فلفل رومى مقطع شرائح الوان
بهارات وملح وفلفل
علبة قشطة
ربع كوب جبنة سايلة
ربع كوب كريمة لبانى
3ملاعق مايونيز

الطريقة:
فى طاسة على النار نشوح البصل فى معلقتين زيت ثم نضيف الثوم ثم قطع الفيليه مقطعة شرائح طولية ونقلب دقايق ثم نضيف فلفل الالوان والبهارات والملح والفلفل ونقلب دقايق على نار هادئة حتى يستوى الدجاج ثم نضيف القشطة والجبنة والكريمة والمايونيز ونقلب كويس ونطفى
فى صينية التقديم نفرد طبقة الارز فى قاع الصينية بس ماتبقاش طبقة تخينة ثم نضيف خلطة الدجاج بالقشطة ونفردها على الارز وتدخل فرن 10 دقايق

ملاحظة : عملت الرز شوحته فى شوية زبدة مع زيت مع عود قرفة وفص حبهان وضيفت ميه تغطى الرز وسيبته يغلى وبعدين غطيته وهديت النار لحد ما استوى

المقادير:
كيس مكرونة 400جرام ريجاتونى
نصف كيلو لحمة مفرومة
بصلة
3ثمرة طماطم
معلقتين صلصة
فصين ثوم مفروم
جبنة مبشورة

الطريقة:
نجهز الحشوة:يوضع اللحم المفروم على النار بدون اضافات مع التقليب حتى يتغير لونه ونضيف البصلة المقطعة وملح وفلفل اسود ومعلقة صلصة ونقلب دقايق ونطفى
نسلق المكرونة فى ماء مملح ثم وتشطف بماء بارد وتصفى وتحشى باللحمة المعصجة
لعمل الصلصة:فى طاسة نشوح الثوم المفروم مع معلقتين زيت ثم نضيف الطماطم المعصورة مع معلقة الصلصة والملح والفلفل ونتركها تغلى حتى تتسبك
فى صينية متحركة اللى بتتفتح من الجوانب ضعى معلقة صلصة فى الاسفل ثم رصى حبات المكرونة جنب بعض بشكل افقى
ثم نرش على وجها الصلصة ونرش الجبنة المبشورة وتدخل فرن حامى تقريبا تلت ساعة

المقادير:
كيلو بطاطس
نصف كوب لبن
معلقتين زبدة
نصف كيلو لحمة مفرومة
بصلة متوسطة
فلفل اخضر
ثمرة طماطم
ملح وفلفل
معلقتين زيت
جبنة مبشورة

الطريقة:
تغسل البطاطس وتقشر وتقطع مكعبات وتسلق
فى اناء على النار نضع معلقتين الزيت ونضع البصلة مكعبات تتشوح ونقلب حتى تدبل ثم نضيف اللحمة المفرومة مع التقليب حتى يتغير لونها تقريبا لمدة 10 دقايق ثم نضيف مكعبات الفلفل الاخضر ومكعبات الطماطم ثم الملح والفلفل ونطفى
بعد سلق البطاطس تهرس باضافة اللبن والزبدة وملح وفلفل اسود
فى صينية تدهن بالزبدة ثم نضع نصف خليط البطاطس ونساويه كطبقة اولى ونضيف حشوة اللحم

ثم باقى البطاطس يضاف البيضة وتقلب جيدا وتوضع كطبقة تانية على اللحمورشى جبنة مبشورة(انا حطيتها فى كيس حلوانى وشكلتها بدل ما احطها كلها على الوش)

تدخل فرن عالى تقريبا نصف ساعة حتى تتمسك وتحمر وتقطع بعد ماتبرد

المقادير:
نصف كيلو كبدة شرائح
6فصوص ثوم كبيرة مفرومة
معلقتين عصير ليمون
معلقة ملح
معلقة صغيرة كمون
معلقة صغيرة فلفل اسود
معلقتين خل

مقادير صوص الليمون:
معلقة صغيرة مسطردة-ربع كوب عصير ليمون -ربع كوب ماء-4 ملا عق زبده

الطريقة:
نتبل الكبدة بالثوم والليمون والخل والملح والكمون وتترك لساعتين ثم توضع فى الدقيق من الجانبين زتقلى فى زيت مش غزير
في طاسه نضع فيها ملعقتين زبده نضيف عصير الليمون ونضيف قشر الليمون اللي عصرناه ليمونتين كبار ونتركها 10 دقايق حتي تتكثف قوام الصلصه وتتخن شويه نشيل قشر الليمون ونضيف الملعقتين الزبد ة الباقية ورشه ملح صغير ورشه فلفل اسود ومعلقة المسطردة ونتركها 3 دقايق تغلي ونطفي النار
تقدم الكبدة في طبق التقديم مع شرائح من الليمون ورشه بقدونس للتجميل
ونرش من صلصله الليمون قليل علي الكبدة