المقادير:
2كوب فول سودانى محمص
كوب جوز هند ناعم
2 بياض بيض
فانيليا
رشة ملح
مربى واى مكسرات للتزيين
الطريقة:
فى الكبة نفرم الفول السودانى وتخلط مع جوز الهند وبياض البيض ورشة الملح والفانيليا ثم ناخد بالمعلقة ونعملها على شكل كور متساوية ثم نرصها فى صينية وبايد مبللة نضغط عليها تبطط شوية وبقعر معلقة صغيرة نضغط عليها فى الوسط ثم تدخل فرن ساخن على 170 درجة تقريبا لمدة 20 دقيقة ولما نطلعها يوضع فى الوسط معلقة مربى انا ضيفت مربى جزر وترش جوز الهند وضيفت حبة لوز على كل واحدة
المقادير:
كوب ارز مغسول
2كوب لبن
كوب سكر
معلقتين كبيرة كاكاو
كوب شيكولاتة مبشورة
معلقتين كبيرة نشا
معلقة فانيليا
معلقتين كبيرة ايس كريم بودر
الطريقة:
يغسل الارز ويضاف اليه كوب ماء ويترك على النار حتى يغلى ثم نهدى النار ويترك حتى يستوى الارز مع التقليب ويشرب الماء ثم نضيف اليه كوب ونصف اللبن والسكر والفانيليا والايس كريم البودر
وفى اناء اخر ندوب النشا والكاكاو مع نصف كوب اللبن الاخرى على النار حتى يدوب الكاكاو ويضاف على الارز مع التقليب تقريبا 10 دقايق ثم نضيف نصف كوب الشيكولاتة المبشورة ونقلب حتى تدوب ويغلظ قوامه ونطفى عليه ويضاف باقى الشيكولاتة وتقلب ويصب فى الاطباق ويزين بالشيكولاتة المبشورة
المقادير:
باكيت بسكويت(8وحدات)
كيس كريمة شانتيه بودر
2كوب ايس كريم جاهز (يعنى جيبى كيس كريم فانيليا او اى نوع واعمليه زى ما هو مكتوب على العلبة واتركيه فى الفريزر يجمد)
علبة لبن مركز
معلقتين كبيرة كاكاو
كوب لبن
علبة قشطة
الطريقة:
نخفق الكريمة مع اللبن المثلج حتى تتماسك ثم نضيف الايس كريم والقشطة واللبن المحلى ونخفقهم مع بعض
فى قالب بتاع التوست نبطنه بورق البلاستيك(الكلينج فيلم) ونخلى حروفه لبره القالب ثم نكسر نصف كمية البسكوت ونضيف نصف الخليط السابق ثم نكسر باقى البسكوت
ثم باقى الخليط نضع عليه معلقتين الكاكاو ونخفقهم مع بعض ثم نضيفهم على طبقة البسكويت ونغطيه بباقى البلاستيك اللى طالع بره القالب ويدخل الفريزر ساعتين يجمد ثم ممكن تزينيه بالكريمة او الشيكولاتة او المكسرات زى ماتحبى
المقادير:
كوب لبن
كوب دقيق وربع
بيضة
3معلقة زيت
معلقة صغيرة بيكنج بودر
رشة فانيليا
رشة ملح
3ملاعق سكر كبيرة
مشمش
زبيب
الطريقة:
نخلط اللبن مع البيض والزيت والفانيليا والسكر ونخفقهم وونخل الدقيق مع الملح والبيكنج بودر ونضيف الخليط السائل على المكونات الجافة مع التقليب حتى يندمج المكونات
ثم فى طاسة تيفال ندهنها زبدة او زيت وبالمغرفة نحط مقدار مغرفة ولما نحس انها بقى لونها ذهبى نضع الزبيب وقطع المشمش المقطعة على الوجه
ثم تقلب على الوجه الاخر
المقادير:
2باكيت بسكوت
كوب لبن محلى(او كوب لبن ونصف كوب سكر)
2معلقة زبدة سايحة
2معلقة كبيرة كاكاو
مكسرات
الطريقة:
نكسر البسكويت يبقى قطع كبيرة نسبيا ونضع عليه اى مكسرات تحبيها
ثم ندوب الزبدة مع الكاكاو واللبن المكثف او اللبن العادى مع السكر حتى يتجانسوا على النار ثم يضاف للبسكويت المكسر وممكن نضيف جوز الهند ونقلبه بحيث يتغطى البسكويت بخليط الشيكولاتة بدون أن يتفتت لو احتاج ممكن نضيف شوية لبن ثم نفرد ورق فويل على الرخامة ونضع البسكوت عليه ونعمله على شكل اسطوانى ونلفه رول بمساعدة الفويل ونقفله من الجناب ويدخل فريزر ساعتين ثم يطلع ويترك شوية ويقطع حلقات
وممكن قبل ما يتقطع يوضع عليه صوص شيكولاتة او كريمة وعليها مكسرات وبعدين تدخل الثلاجة ساعتين ثم تقطع
