التصنيف: اطباق رئيسية

المقادير:

لحمة مفرومة معصجة

(نشوح اللحمة المفرومة فى طاسة بدون زيت حتى يتغير لونها ثم نضيف بصلة مقطعة او مبشورة ونقلب ثم نضيف معلقة زيت صغيرةوملح وفلفل اسود وبهارات ومعلقة صلصة وتترك 10 دقايق مع التقليب)

بشاميل

(2كوب لبن او 2كوب ماء مع 3ملاعق لبن بودر+3ملاعق كبيرة دقيق+معلقة كبيرة زبدة او زيت يخلطوا بالمضرب السلك على البارد ثم يوضع على النار مع التقليب حتى يغلى ويتقل مع اضافة ملح وفلفل اسود او مكعب ماجى )

جبنة موتزريلاا

لاانيا (ممكن تجيبى الجاهزة  وتسلقيها كما هو مدون على العلبة)

لكن عملت عجينة المكرونة  كما فى اللينك التالى:

http://www.lahlopa.com/2012/03/%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%B9%D8%AC%D9%8A%D9%86%D8%A9-%D8%A7%D9%84%D9%85%D9%83%D8%B1%D9%88%D9%86%D8%A9/

الطريقة:

بعد عمل عجينة المكرونة نتركها ترتاح ساعة ثم نقطعها اربع قطع ونفردها  وتوضع فى الماكينة على رقم 8 ثم تخليها على رقم 1

ثم تقطع شرائح طولية

ثم تسلق فى ماء مغلى مملح وتوضع فى ماء مثلج  وتصفى

ثم نفرد القطعة الاولى وتوضع معلقة من البشاميل ومعلقة من الحشو ومعلقة جبنة ونلفها رول

ثم فى صينية نضع مغرفة بشاميل فى الاسفل ثم نرص وحدات اللازانيا ونضع على الوجه بشاميل خفيف ومعلقتين صلصة وجبنة موتزريلاا

ثم تدخل فرن ساخن متوسط تقريبا تلت ساعة ثم نحمر الوجه

المقادير:
سمك فيليه مقطع مكعبات
بصل وطماطم وفلفل مقطع مكعبات
التتبيلة:
معلقة كبيرة كاتشب
معلقتين كبيرة مسطردة
معلقة كبيرة خل
معلقة كبيرة عصير ليمون
2معلقة كبيرة زيت
معلقة كبيرة صويا صوص
معلقة صغيرة ثوم بودر
معلقة صغيرة بابريكا
معلقة صغيرة ملح وفلفل اسود
اسياخ شوى خشب منقوعة فى الماء لمدة ساعة

الطريقة:
تخلط التتبيلة ويضاف اليها مكعبات السمك وتترك ساعة فى الثلاجة ثم يضاف اليها الخضروات وتقلب حتى تاخد من التتبيلة ثم تشيش فى الاسياخ بالتبادل مع الخضار وتشوى على الشواية او توضع فى صينية وتوضع فى الفرن تحت الشواية وتقلب حتى تستوى بتاخد تقريبا ربع ساعة وممكن فى طاسة على النار مع معلقة زيت وتقلب

المقادير:
250 جم مكرونة اى شكل
250 جم بروكلى
250 جم سوسيس (ممكن يبقى فيليه دجاج مقطع مكعبات)
2 حبة طماطم
فصين ثوم مفروم
بصلة مقطعة مكعبات
فلفل الوان

الطريقة:
نسلق البروكلى والمكرونة مع بعض
فى طاسة نضع معلقتين زيت ثم نشوح البصلة والثوم ثم السوسيس بعد تقطعيه ونقلب دقايق ثم نضيف الطماطم والبروكلى والفلفل الالوان وملح وفلفل اسود ونقلب دقايق ونضيف قليل من ماء سلق المكرونة ونضيف المكرونة ونقلب دقيقة ونطفى وممكن نضيف اى نوع جبنة مبشورة

المقادير:

الحشوة:قطع سمك فيليه مقطعة صغيرة ومشوحة مع بصلة مقطعة وفلفل الاخضر مكعبات وملح وفلفل

عجينة المكرونة فى اللينك التالى

http://www.lahlopa.com/2012/03/%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%B9%D8%AC%D9%8A%D9%86%D8%A9-%D8%A7%D9%84%D9%85%D9%83%D8%B1%D9%88%D9%86%D8%A9/

 

الطريقة:
نفرد العجين على شكل مستطيل او مربع كبير تقريبا تبقى سمكها 1سم يوضع مقدار معلقة من حشوة السمك فى خط مستقيم على طول العجين على ان تبعد كل معلقة عن حشو الاخرى بمسافة

ثم تبلل الاماكن الفارغة حول الحشو بقليل من الما ءاو تدهن بالبيض

ثم توضع عجينة اخرى فوق الاولى ويضغط على الاماكن الفارغة بالاصابع كى يلتصق العجين ثم يقطع العجين إلى مربعات

 

وتوضع المربعات على صينية مرشوشة بالدقيق
ثم تسلق فى ماء مغلى مملح وتترك تقريبا 7 دقايق حتى تطفو للسطح ثم تنشل على مصفى او على الصوص على طول

الصوص:
فى طاسة نشوح بصلة مقطعة وفص ثوم مفروم ثم طماطم مبشورة مع معلقة صلصة ونضيف ملح وفلفل وبهارات ثم نضيف قطع الرافيولى ونقلب دقيقة ورشة جبنة ثم يقدم

المقادير:
لحمة معصجة
عجينة المكرونة
فى اللينك التالى:

http://www.lahlopa.com/2012/03/%d8%b7%d8%b1%d9%8a%d9%82%d8%a9-%d8%b9%d9%85%d9%84-%d8%b9%d8%ac%d9%8a%d9%86%d8%a9-%d8%a7%d9%84%d9%85%d9%83%d8%b1%d9%88%d9%86%d8%a9/

الطريقة:
نفرد العجين على شكل مستطيل او مربع كبير تقريبا تبقى سمكها 1سم يوضع مقدار معلقة من اللحمة المعصجة فى خط مستقيم على طول العجين على ان تبعد كل معلقة عن حشو الاخرى بمسافة

ثم تبلل الاماكن الفارغة حول الحشو بقليل من الما او تدهن بالبيض

ثم توضع عجينة اخرى فوق الاولى ويضغط على الاماكن الفارغة بالاصابع كى يلتصق العجين

ثم يقطع العجين إلى مربعات

وتوضع المربعات على صينية مرشوشة بالدقيق

ثم تسلق فى ماء مغلى مملح وتترك تقريبا 7 دقايق حتى تطفو للسطح ثم تنشل على مصفى او على الصوص على طول

الصوص:
فى طاسة نشوح بصلة مقطعة وفص ثوم مفروم ثم فلفل الوان مقطع مكعبات وبروكلى مقطع ونقلب دقايق ثم نضيف كوب بشاميل خفيف ونضيف ملح وفلفل وبهارات ثم نضيف قطع الرافيولى ونقلب دقيقة ثم يقدم