المقادير:
- نصف كيلو لحمة ضانى
- كوب أرز
- 2رغيف بلدى اوى شامى
- 2معلقة كبيرة خل
- 2معلقة ثوم مفروم
- 4حبات طماطم مقشرة ومفرومة
- زيت
- معلقة كزبرة ناشفة
- بهارات
- ملح وفلفل اسود
الطريقة:
بعد ماتغلى الماء نضيف اللحمة تتسلق ولما تغلى نشيل الريم ثم نضيف ورق اللورا والهيل والمستكة وبصلة مقطعة ارباع
نعمل الرز: نضع معلقتين زيت او زبدة ثم نشوح الارز المغسول ونقلب 5دقايق حتى يتشوح كويس ثم نضع عليه ماء مغلى او شوربة ونتركه يغلى ثم نغطى عليه ونهدى النار حتى يستوى
لعمل الصلصة:
فى طاسة نضع معلقتين زيت ثم الثوم المفروم ونقلب حتى يصبح لونه ذهبى ثم نطفيها بالخل ثم نضيف الطماطم المعصورة ومعلقة صغيرة كمون وبهارات والكسبرة
نعمل العيش:
نقطع العيش مكعبات ثم نضع عليه معلقة زيت ويقلب ويدخل تحت الشواية يتحمر أو بمعلقة زيت او بزبدة فى طاسة ونقلبه على النار على نار هادئة حتى يتحمر
لتحضير الطبق
وزعى مغرفة شوربة و2معلقة من الصلصة السابقة على العيش وقلبيهم واتركيهم شوية حتى العيش يتشرب الشوربة
فى قالب او صينية ضعى طبقة من الارز الابيض ثم طبقة العيش وقومى بقلبهم على طبق التقديم والصلصة على الوجه ووزعى اللحمة على وجه الطبق
ملاحظة ممكن تعملى تقلية بالثوم يعنى الثوم يتحمر ثم تضيفى فنجان خل وفنجان شوربة وتوزيعيها على الوش بدل الصلصة الحمراء او معاها
