بيتى فور

2و3\4كوب دقيق منخول
كوب وربع زبدة بدرجة حرارة الغرفة
3\4 كوب سكر بودر
2بياض بيضة أو بيضة واحدة
فانيليا
ذرة ملح
معلقة صغيرة بيكنج بودر
للتزيين
مربى
شيكولاتة فارماسيل ملونة
جوز الهند

الطريقة:
أضربى الزبدة كويس أوى لحد ماتبقى كريمى
ثم ضيفى السكر بالتدريج مع الضرب لحد مالون الزبدة يبقى ابيض خالص
ثم تنزلى ببياض البيض بالراحة سرسوب وانتى بتضربى ثم ضيفى الفانيلياواضربى شوية
ثم ضيفى الدقيق والبيكنج بودر بالتدريج وقلبى بمعلقة خشب لحد ماتلم العجينة وتبقى ناعمة واتركيها ترتاح 10 دقايق
ثم شكليها بماكينة البيتى فور ورصيها فى صينية ودخليها فرن سخن 180درجة تقريبا 20دقيقة
يدوب يصفر من تحت طلعيه على طول يبرد وبعدين ذوقيه زى ماتحبى
تلصق كل حبتين مع بعض بالمربى او بالشيكولاتة ونزينها بجوز الهند او الشيكولاتة الفارماسيل

انا قسمت الخليط نصفين وضفت لجزء معلقتين كاكاو بودر