التصنيف: اطباق رئيسية

المقادير:
نصف كيلو لحمة مفرومة
كوب برغل
بصلة متوسطة
ملح وفلفل اسود وبهارات
100جم ليه او دهن

الطريقة:
ينقع البرغل بالماء هتلاقيه شرب الميه وتضاعف حجمه تصفيه كويس او تعصريه من باقى الميه اللى فيه
افرمى اللحمة مع البصل واللية والبرغل ثم ضيفى الملح والبهارات
وبعدين ولعى فحمة وحطيها فى فنجان او فويل وحطيه جوه الطبق اللى فيه اللحمة وحطى على الفحمة معلقة زيت وغطيها ربع ساعة تاخد ريحة الفحم
ثم شكلى اللحم على عود خشب او سيخ شوى وترص فى صينية فيها معلقتين زيت وتدخل فرن سخن اوى ربع ساعة وبعدين تحطيها تحت الشواية تاخد لون وقلبيها

المقادير :

نصف كيلو باذنجان- فلفل اخضر
ربع كيلو لحمة مفرومة
بصلة مبشورة
ملعقة صلصة
ملح وفلفل وبهارات
4 حبات طماطم مفرومة
معلقة كبيرة خل
فصين ثوم مفرومين
معلقة صغيرة سكر

الطريقة:

 يقطع الباذنجان الي شرائح ويرش عليه ملح ويترك ربع ساعة يصفى مائه ثم يقلى ويقطع الفلفل ويقلى
ثم نشوح البصلة المبشورة فى الطاسة مع معلقتين زيت ثم نضيف اللحمة ونقلب لخمسه دقائق ثم نضيف البهارات والملح والفلفل ونتركها مرة أخرى لدقائق قليلة على النار
ثم فى حلة على النار نضع معلقتين زيت يسخن ثم الثوم المفروم ونقلب دقيقة حتى يصبح لونه دهبى ثم نضيف الخل ونضيف الطماطم المعصورة ومعلقة الصلصة والملح والفلفل والسكر ونتركها تغلى 5دقايق
فى الصينية نضع راق باذنجان وفلفل اخضر ثم اللحمة المفرومة ثم راق اخر وعلى الوجه نقوم بوضع الصلصة ثم تدخل الفرن تقريبا 20 دقيقة

 

المقادير:
نصف كيلو بطاطس
بصله متوسطة
فصين ثوم
كوب عصير طماطم
ملعقة كبيره صلصه
كوب ماء
ملح وفلفل
فلفل مقطع شرايح
لحمة مسلوقة

الطريقة:
تقشر البطاطس تقطع حلقات متوسطة نقطع البصلة شرائح وتفرك بالملح والفلفل والثوم المفروم ثم تضاف على البطاطس ونقلبهم مع بعض ثم توضع فى طاجن ويوضع معها اللحمة تقلب الصلصه وعصير الطماطم والميه ويصبوا فوق البطاطس
يتبل بالملح والفلفل ويزود بقليل من الماء عند الحاجة
تغطي بالفويل وتدخل الفرن حتي تنضج ثم يرفع الفويل وتفتح الشوايه حتي يتحمر الوجة بس هنا حمرتها زيادة عشان بنتى بتحب تاكل اللحمة ناشفة كده

المقادير:
كيلو كبدة فراخ
كوب كريمة لبانى
كوب دقيق
2حبة طماطم مبشورة او معلقتين صلصة
كوب شوربة او ميه
دقيق
ملح وفلفل وكارى

الطريقة:
نغسل الكبدة كويس بالملح والدقيق والخل ونتركها تصفى
ثم نخلط 4ملاعق كبيرة دقيق ونخلط معاها معلقة صغيرة ملح كارى ونقلب فيها الكبدة
ثم فى طاسة سخنة فيها زيت نقلى الكبدة ثم ننشلها وتوضع فى صينية فرن
ثم نخلط كوب كريمة مع الشوربة والطماطم المبشورة او ممكن معلقتين صلصة ونزود معلقة وفلفل ثم نرش معها شوية بقدونس مفروم وتدخل الفرن تقريبا نصف ساعة على 180
انا قدمتها مع رز بالكارى

كفتة الرز ديه بقى مصرية مصرية مفيش كلاااااااااام
مقدارها بيكون كيلو لحمة مع نصف كيلو رز …كانت ماما قبل المفرمة والكلام ده كانت بتحضر مقاديرها وبتوديها عند الجزار يفرمها
هى عادة بيعملوها باللحم الجملى بس شغاااالة اى حاجة بس اهم حاجة لازم تكون صافية بدون دهون عشان لو فيها دهون بتكش

المقادير:
ربع كيلو لحمة مفروم صافى بدون دهن
نصف كوب رز
نضف ربطة شبت وكسبرة
بصلة متوسطة
فصين ثومملح وفلفل وبهارات وكمون

الطريقة :
نغسل الرز ويصفى ثم نتركه ينشف ثم يطحن فى المطحنة
نخلط اللحمة مع الخضرة والبصل والثوم والرز والبهارات والملح والفلفل ونفرمهم فى الكبة مرتين لحد ماتنعم
وبعدين ندهن ايدينا زيت ونصبع الكفتة او نشكلها صوابع او كور ثم تقلى فى زيت ساخن

ثم نعمل الصلصة:
فصين ثوممفرومين (ممكن تضيف بصل مع الثوم بس انا بحبها بالثوم بس)مع 2كوب عصير طماطم ومعلقة صلصة و2 حبة بطاطس وملح وفلفل

نشوح الثوم مع معلقتين زيت ثم نضع عصير الطماطم والصلصة والبطاطس والملح والفلفل ونتركها حتى تدخل البطاطس فى السوا ثم نضيف الكفتة ونقلب ونتركها تستوى يعنى تقريبا تاخد ربع ساعة كمان