طريقة عمل فطاير التفاح المقلية

DSC03606-1

المقادير:
2كوب دقيق
نصف كوب زبدة مقطعة مكعبات
7ملاعق ماء بارد
رشة ملح
معلقة صغيرة بيكنج بودر
الحشوة:
2تفاحة مقشرة ومقطعة مكعبات صغيرة
ربع كوب سكر بنى
معلقتين زبدة
معلقة صغيرة قرفة
معلقة كبيرة نشا
خليط التغطية: نصف كوب سكر مع معلقة صغيرة قرفة
الطريقة:
نضع الدقيق فى بولة ونضيف عليه الزبدة ثم نفركها باليد حتى تختلط بالدقيق ثم نضيف البيكنج بودر والماء والملح ثم نضيف الماء ونلمها ونحاول مانفرطش فى عجنها ثم نكورها وتوضع فى كيس بلاستيك وتوضع فى الثلاجة لمدة نصف ساعة
لعمل الحشوة:
ضعي الزبدة، التفاح، السكر، النشا والقرفة فى اناء على نار متوسطة مع التقليب حتى يلين التفاح تماما تقريبا ربع ساعة ثم اتركيه يبرد
توضع العجينة على الرخامة مرشوشة بالدقيق وتفرد ثم تقطع دوائر كبيرة وتوضع معلقة من الحشوة فى الوسط ويدهن اطرافها بالماء ونغلق اطرافها ثم نضغط عليه بالشوكة وتقلى فى زيت غزير وبعد ماتوضع نخفض النار قليلا مع التقليب حتى يصبح لونها ذهبى ثم توضع فى خليط السكر والقرفة وتقلب عدة مرات وتقدم

طريقة عمل فطاير مقلية

طريقة عمل فطاير مقلية

المقادير:
نصف كيلو دقيق
نصف كوب لبن
بيضة
معلقة كبيرة سكر
معلقة صغيرة ملح
كيس خميرة فورية ومعلقة كبيرة بيكنج بودر
معلقتين زيت

الحشوة (حشيت جزء بطاطس مسلوقة مهروسة مع بيض مسلوق ومهروس مع شوية بقدونس وملح وفلفل _والجزء الثانى حشيته بلحمة مفرومة معصجة )

الطريقة :

نخلط اللبن ويكون دافئ شوية مع الخميرة والسكر ونتركها تخمر ربع ساعة حتى ترتفع
ثم نضيف البيضة والزيت والدقيق ونعجنها مع اضافة الماء الدافئ حتى تتكون لدينا عجينة لينة طرية ثم نتركها تخمر ساعة حتى يتضاعف حجمها
ثم نقطعها كور صغيرة ثم نفرد كل قطعة على شكل دائرة وتحشى ونقفلها على شكل مثلث ونضغط عليها من عند القفلة ونبططها شوية ثم تقلى فى زيت يكون سخن بس النار تكون متوسطة وتقلب على الوجه الاخر ما بتاخدش وقت فى التحمير
والشكل التانى نفردها على شكل دائرة صغيرة ونقفلها زى الهلال ونضغط عليها نبططها شوية
DSC01359 - Copy  DSC01362 - Copy  

DSC01361DSC01365DSC01367DSC01369DSC01370DSC01378DSC01385DSC01388DSC01393DSC01405

طريقة عمل مينى برجر

طريقة عمل مينى برجر

كنت عايزة اعمل حاجة مينى ومكنتش صورتها قبل كده فكرت فى البرجر وبعدين قعدت افكر اعملها ازاى
اوقات بعملها كور صغيرة وخلاص وتخمر وتبقى زى الكيزر بس اوقات بتبقى مليانة عجين من جوه بس جاتلى الفكرة ديه وقلت اجرب وطلعت هاااااااايلة وسهلة وتنفع لأى مناسبة عيد ميلاد او حفلة او عزومة زى ما تحبى

والبرجر هنا انا عملته بيتى ممكن انتى تجيبى الجاهز وتقطعيه قبل ماتسويه بالقطاعة او حتى بعد السوى هايبقى متناسق واحلى
وجربى وامانة عليكى تدعيلى
المقادير:
4كوب دقيق
ربع كوب زيت
معلقة كبيرة خميرة فورية
معلقة كبيرة بيكنج بودر ومعلقة كبيرة سكر
معلقة صغيرة ملح
4ملاعق لبن بودر
ماء دافئ للعجن

مقادير البرجر
نصف كيلو لحمة مفرومة
بصلة مبشورة
معلقة صغيرة ملح ورشة فلفل اسود وبهارات
بيضة
4ملاعق بقسماط

باقى المقادير
جبنة شيدر
لانشون
خس
مايونيز

الطريقة :
نضع الخميرة مع معلقة كبيرة سكر مع ربع كوب ماء دافئ ونتركها 10 دقايق حتى تتفاعل وتعلى(بالخطوة ديه بتأكد ان الخميرة شغالة من الاول )
وبعدين بضيفها على الدقيق والملح والبيكنج بودر والزيت ونعجنها بإضافة الماء الدافئ حتى نعصل على عجينة لينة طرية نتركها فى وعاء مدهون زيت وندهن وشها بالزيت ونغطيها بفوطة وتترك حتى تخمر يتضاعف حجمها

نعمل البرجر:نخلط جميع المكونات ثم نعمله كور صغيرة ثم فى طاسة مع معلقتين زيت نضع كور البرجر تتحمر وبعدين حطيتها فى صينية وعلى الفرن 10دقايق تكمل سواها

نقطع الجبنة الشيدر واللانشون بنفس القطاعة اللى قطعنها بيها العجينة

طريقة تشكيل العجينة وهو ده المهم
هنفرد العجينة بس تبقى تخينة شوية مش رفيعة بالسمك اللى فى الصورة ده
وبعدين نجيب اى حاجة مدورة قطعى بيها انا عشان كنت عايزه اعمله صغير اوى عملت بالكورنيه اللى عندى
بس ورصيتها فى صينية مدهونة زيت او مرشوشة دقيق زى ما بعمل وتدهن بالبيض وترش بالسمسم وتدخل الفرن يكون ساااااااااااااخن على درجة 200 يعنى اعلى من المتوسط تقريبا مش بتكمل 15 دقيقة

طريقة عمل مينى برجر

طريقة عمل مينى برجر

طريقة عمل مينى برجر
نطلعها تبرد نقسمها بالسكينة على اتنين ندهن الجزء السفلى بالمايونيز ثم نضع ورقة خس صغيرة ثم الجبنة او اللانشون زى ماتحبى ده اختيارى وبعدين الكفتة او البرجر اللى عملنها كور ونضع عليه الجزء العلوى وتثبت بالخلة بس وتقدم

طريقة عمل مينى برجر

طريقة عمل بسكوت بالجبنة الفيتا

طريقة عمل بسكوت بالجبنة الفيتا

المقادير:
نصف كوب سمنة
نصف كوب زبدة
كوب جبنة فيتا
3ونصف كوب دقيق
بيضة
معلقة صغيرة ملح
معلقة كبيرة بيكنج بودر
لدهان الوجه(صفار بيضة ومعلقة صغيرة ماء ورشة فلفل اسود)
جبنة مبشورة وينسون او كمون حصى او بذر كتان او سمسم او حبة البركة اللى يعجبك

الطريقة:
نخفق السمنة مع الزبدة مع الجبنة حتى تختلط ثم نضيف البيضة ونخفقهم ثم نضيف الدقيق مع البيكنج بودر والملح ونخلط كله مع بعضه ونحاول مانعجنش م نغلفها فى كيس بلاستيك وتدخل الثلاجة ساعة ثم نطلعها ونرش على الرخامة دقيق ونفرد جزء جزء ونقطعها حسب الرغبة
فى جزء قطعتها مربعات وجزء دوائر يدهن بالصفار ثم رشيت عليه جبنة مبشورة
وجزء فردتها مستطيل طويل وصعت على طرفه جبنة مبشورة ولفيتها زى السويسرول وقطعتها بالورب ودهنتها بالصفار
المهم كله هايدهن بالصفار ويرش بالملح او بالسمسم او بالكمون او اللى يعجبك

طريقة عمل بسكوت بالجبنة الفيتا طريقة عمل بسكوت بالجبنة الفيتا طريقة عمل بسكوت بالجبنة الفيتا طريقة عمل بسكوت بالجبنة الفيتا طريقة عمل بسكوت بالجبنة الفيتا DSC00273 طريقة عمل بسكوت بالجبنة الفيتا طريقة عمل بسكوت بالجبنة الفيتا طريقة عمل بسكوت بالجبنة الفيتا DSC00308

طريقة عمل قراقيش بالعجوة

طريقة عمل قراقيش بالعجوة

طريقة عمل قراقيش بالعجوة

المقادير:
نصف كيلو دقيق
3\4 كوب سمنة
نصف كوب زيت
معلقة كبيرة بيكنج بودر
معلقة كبيرة خميرة
معلقة كبيرة سكر
معلقة كبيرة شمر
معلقة كبيرة ينسون
معلقتين كبيرة سمسم
معلقة صغيرة ملح
معلقتين لبن بودر
تقريبا كوب ميه ممكن اقل شوية على حسب نوع الدقيق
لدهان الوجه بيضة مع رشة فانيليا -سمسم
عجوة(نصف كيلو عجوة مع معلقتين زبدة ومعلقتين زبدة ومعلقة صغيرة قرفة معلقة كبيرة سمسم)

الطريقة:
ندوب الخميرة مع السكر ونصف كوب ميه دافية ونتركها حتى تتفاعل وتفور
نخلط الدقيق مع الملح والسمسم والشمر واليانسون نسخن السمنة والزيت على النار ماتغليش تسخن جامد ثم تضاف على الدقيق ونبتدى نبس العجين بالسمنة يعنى ندعكه لحد مانحس ان الدقيق اتشرب كل الزبدة ثم نضيف الخميرة ونعجن مع اضافةباقى الماء تدريجيا لحد ماتلم العجينة ونعجنها شوية ثم نغطيها ونتركها تخمر ساعة
ثم تحشى بالعجوة وترص فى صينية مدهونة وتترك ربع ساعة ويدهن الوجه بالبيض وترش بالسمسم وتدخل فرن ساخن 180 تقريبا من 25 لنصف ساعة

فردت العجوة على بلاستيك ..وفردت جزء من العجينة ثم قلبت عليها العجوة المفرودة ثم لفيتها رول ثم تقطع حلقات…
وتانى شكل المربعات:فردت العجوة على بلاستيك ..وفردت العجينة كذلك ثم قلبتها عليها وفردت جزء تانى من العجينة تقريبا مقاس العجينة اللى تحت وبعدين حطيتها علي العجوة وقطعتها بالقطاعة مربعات
وعملت الشكل التقليدى فردتها زى مستطيل صغير طويل ونضع عليه الحشو وتطوى وتقطع قطع بالورب
وعملت برضع شكل الكحك او المعمول بالعجوة بس ماصورتش الشكل النهائى كان لسه فى الفرن

طريقة عمل قراقيش بالعجوة

 DSC00099 DSC00106 طريقة عمل القراقيش بالعجوة طريقة عمل القراقيش بالعجوة طريقة عمل القراقيش بالعجوة طريقة عمل القراقيش بالعجوة طريقة عمل القراقيش بالعجوة طريقة عمل القراقيش بالعجوة طريقة عمل القراقيش بالعجوة طريقة عمل القراقيش بالعجوة

طريقة العجوة:
فى طاسة نضع الزبدة مع الزيت ونضع العجوة  او التمر بعد مانشيل البذر منه ونقلب حتى يدوب ثم نضيف السمسم والقرفة ونطفى
بس مكانش عندى عجوة وكان فى بلح ناشف نقعته بميه سخنة ربع ساعة وبعدين فصصته وشيلت البذر ونقعته تانى فى ميه سخنة ربع ساعة وبعدين صفيته وفرمته فى الكبة مع معلقتين زيت وفى طاسة مع معلقتين زبدة حطيته وضفت قرفة وسمسم وقلبت

طريقة عمل القراقيش بالعجوة