التصنيف: اطباق رئيسية

مقادير:_

مكرونة
لحمة مفرومة
بصلة مبشورة
مشروم(اختيارى)
ملح فلفل
معلقة صلصة
مكعب ماجى
7ملاعق دقيق (كوب دقيق)

معلقتين زبدة +معلقتين زيت
2كوب لبن+كوب مية
بيضة

الطريقة:

نسلق المكرونة فى ماء وملح وتصفى وتغسل بالماء البارد
نعصج اللحم نحط اللحمة فى الطاسة الاول ونقلب لغاية ماتشرب ميتها ثم نضيف البصلة المبشورة ونقلب ويضاف شرائح المشروم
ثم تضاف معلقة الصلصة ونقلب دقائق ونشيلها من على النار

نعمل البشاميل
نضع الزيت والزبدة في اناء على النار ونضيف له الدقيق نحركه حتى يصبح ذهبي فاتح ثم نضيف اللبن والمية ونخلط باستمرار بالمضرب السلك عشان ماتتكتلش
على طول نضيف الماجي ونواصل الخلط على نار هادئه حتى تتقل

نحط مغرفة بشاميل على المكرونة ونقلبها
نجي قالب بايركس او صينية تدهن وتوضع رشة بقسماط ثم نضع معلقتين بشاميل قى القعر
ثم نحط جزء من المكرونة ثم اللحمة المعصجة وعليها معلقتين بشاميل ثم باقى المكرونة
ويوضع باقى البشاميل على الوجه
وتخفق البيضة مع ملح وفلفل ونقطة زيت عشان الزفارة ونحطها على الوجه وتدخل فرن متوسط لمدة تلت ساعة ثم توضع تحت الشواية تتحمر

نفس الطريقة بس بدلا من اضافة البيض ضيفت الجبنة الموتزريلاا على الوجه

المقادير:-
فرخة
بصلة مبشورة
م ص ملح
م ص فلفل اسود
1\2 م جنزبيل مطحون
1\2 م حبهان مطحون
فص ثوم مفروم
1\2 م كارى
1\2 م كسبرة
2م زيت
2 م خل
كوب زبادى

تغسل الفرخة بالدقيق والملح ثم تشطف وتصفى
وتفتح من عند الصدر بالطول
تخلط المقادير السابقة وتتبل بها الفرخة وتحت الجلد
وتترك 3 ساعات فى التتبيلة ويفضل عملها فى اليوم السابق فى الثلاجة
ثم توضع على شبكة وتوضع على صينية بها كوب ماء ثم تغطى بالفويل
لو مفيش شبكة تشيش على سيخ خشب بتاع الشيش طاووق وترضع على الصينية بحيث تكون اطراف السيخ على حرف الصينية
تدخل فرن 180 درجة لمدة ساعة ولما تستوى نشيل الفويل وتوضع تحت الشواية لمدة 10 دقائق