طريقة للدوناتس بدون تخمير حاجة سريعة كده ممكن تضيفى للعجينة شوية قرفة بتبقى حلوة وممكن السكر يبقى سكر بنى وممكن تحشيها
اوقات بحشيها مربى او كاسترد واوقات من غير بس بتتاكل وهى سخنة يعنى لو قعدت وبردت مش بتبقى حلوة جربوها ومستنية رايكم
المقادير:
نصف كوب لبن
نصف كوب زيت
2 بيضة
معلقة صغيرة فانيليا
معلقة كبيرة خل
تلت كوب سكر
معلقة كبيرة بيكنج بودر
نصف معلقة صغيرة بيكنج صودا
رشة ملح
3 ونصف لـ4اكواب دقيق
زيت للقلى
شيكولاتة خام بيضا وفارمسيل للزينة
الطريقة:
فى بولة نخلط البيض واللبن والزيت ونضيف السكر والفانيليا والخل ثم الدقيق مع البيكنج بودر والبيكنج صودا ورشة الملح ونعجنها تبقى طرية بتلزق شوية
ثم نتركها 10 دقايق ترتاح
ثم نفردها وتقطع بالقطاعة وتقطع من النصف بقطاعة صغيرة او غطاء زجاجة ثم نسخن الزيت وتقلى على نار متوسطة مش عالية عشان تستوى من جوه حتى تحمر من الجانبين
ندوب الشيكولاتة على حمام مائى ويغطس وجهها فى الشيكولاتة ثم نرش عليها الشيكولاتة الفارمسيل