لو عندك عزومه و عايزه تديها طابع فخامه مش موجود حتى في مطاعم غاليه كتير حتلاقي الموضوع ده يفيدك ان شاء الله
هنا جزء بيعلمك ترتيب السفره لفرد واحد ازاي ترتبي الاطباق و المعالق و الكاسات بالطريقه الصح
بس انا مش قادره اتكلم على الموضوع قبل ما اعلق على اللون الاحمر و الشموع مجرد استخدام مفرش سفره حمر و شموع في اكواب زجاجيه اعطي طابع رومانسي غير طبيعي اعتقد في حفله رومانسيه بين زوجين حيكون هوه ده انسب ديكور
اول شيئ هنا ترتيب الاطباق و الاكواب هنا خريطه صغيره للادوات و توزيعها و كتابه كل استخدام على كل اداه ( طبعا احنا نكتفي بكاسات للماء و العصير )
مبدئيا الاشواك و المنديل على اليسار و المعالق و السكين على اليمين و ادوات التحليه بالاعلى و في الزاويه اليسري طبق و سكين الخبز و اعلى اليمين الكاسات
استخدام الشوك و السكاكين و المعالق من الخارج للداخل يعني اللي على الحروف بيكونوا للمشهيات و السلطات و اللي بالداخل للوجبه الاساسيه
بمجرد انتهاء المشهيات او السلطات نرفع الطبق الاخضر بالصوره و معه الشوكه الصغيره ( اللي اتناولنا بيها المشهيات )و معه الطبق الصغير الذي استعملناه ثم نعيد طبق اخضر ثاني عليه سلطانيه فارغه للشوربه لو في تخطيطك تقديم شوربه
بعد ذلك يتم تقديم الوجبه الرئيسيه على الاطباق المفلطحه الموضوعه بالاسفل
عند الانتهاء من تناول الطعام يتم رفع الاطباق كلها والمعالق (ماعدا المخصصه للتحليه ) و بفوطه نمسح الطاوله مسح خفيف من بقايا الاكل
يتم احضار طبق التحليه(طبق صغير و تحته الطبق الاخضر الكبير اللي استخدمناه للتقديم تحت السلطه و الشوربه ) وضعه على الطاوله و نضع المعلقه و الشوكه المخصصين للتحليه بجانب الطبق
نحضر فنجان الشاي و نضعه مكان الكاسات
الموضوع فيه اطباق كتير لان ده الطريقه الاساسيه في التقديم حسب الاساسيات لو تحبي امشي على كل الخطوات او اختصريها
