التصنيف: مقالات

التوفير الخطير .. اعملي دقيق الاسبونش في البيت وأبدعي بأحلى تورتات
كتير منا بيحب يعمل تورت وبيستسهل ويجيب دقيق اسبونش من عند العطار
طبعاً بيكون فيه اضافات ومحسنات مضرة جداً لأطفالنا
طيب ليه ما نعمله في البيت بالنكهات اللي نحبها وأرخص كمان من العطار
يعني توفير وصحة في وقت واحد
والمقادير سهلة جداً ومتوفرة في كل بيت
المقدار ده تقريباً يديكي اثنين كيلو دقيق اسبونش واحسبي أنتِ فرق التكلفة
واللي نحتاجه كالتالي :
أربع كبايات دقيق
خمس كبايات سكر ناعم (( ممكن تطحنيه في البيت ))
كباية نشا
ملعقة كبيرة ونص بيكنج بودر
ملعقتين صغار بيكربونات الصودا
ملعقتين صغار فانيليا
ولو عايزاها بالكاكاو تشيلي كباية دقيق وتبدليها بكباية كاكاو
الطريقة
تنخلي كل المقادير دي مع بعضها خمس مرات وتحفظيها في علبة .
وكل ما عليكِ إن لما تعوزي تعملي كيك اسبونش تاخدي منها ربع كيلو على ربع كباية مية وثلاث بيضات واديها ضرب وبعدين على الفرن وتاكلي أحلى كيك

صنيه نيجرسكوا والبشامل سايح ونايح

هنجيب نصف كيلو بانيه نقطعه زي الشاورمه ومعلقه كاري بتديها لون وطعم رائع وسبتها استوت وعملت بشامل عادي وحطيت عليه مكعبين مرقه دجاج وسلقت المكرونه أقلام خمس دقائق بس بتبقي نيه وبتستوي من البشامل وزيتون وزيتون اسود مقطع ومشروم وقلبت عليها نصف البشامل والنصف التاني للوش وعملت الصنيه نصف مكرونه وعليه الفراخ في النصف وبعدين النصف التاني والبشامل علي الوش وبعد كده حطيت كيس لبن بخيره وقلبتهم كويس اوي وحطيت وجبنه رومي وجبنه موزتلا علي الوش ودخلتها الفرن علي ٢٠٠ واول ما ابتدت تديني سنه لون علي الوش شغلت الشوايه واحمرت وخرجتها وهديت شويه وقطعتها وبالهنا اصل احنا بنحب البشامل كده سايح اللي ببحبها مستويه يسيبها تحمر من غير الشوايه او يشغلها في الاخر خالص