المقادير:
2كوب دقيق
2 1\2 كوب لبن
3 بيضات
4ملاعق كبيرة زيت
معلقة صغيرة ملح
نصف معلقة صغيرة فلفل اسود
معلقة صغيرة سكر
مقادير الكفتة:
نصف كيلو لحمة مفرومة
بصلة كبيرة مبشورة
ملح وفلفل اسود وبهارات
ربع كوب بقدونس مفروم
لحشو الكفتة:زيتون مخلى فلفل اخضر مقطع شرائح طولية جبنةموتزريلاا -مشروم
للتغطية:
بيض وبقسماط
مايونيز او صوص طحينة
جبنة مبشورة
الطريقة:
فى بولة يضاف البيض مع اللبن ويخفق ويضاف الدقيق بعد نخله تدريجيا مع الملح والسكر
مع التقليب المستمر حتى تحصلى على عجين سائل نوعا ما(ممكن تعمليه فى الخلاط) وتترك ربع ساعة ترتاح
فى طاسة تيفال صغيرة ضعى مغرفة من الخليط وحركى الطاسة بسرعة بطريقة دائراية حتى تتوزع فى جميع الاتجاهات
لما بنحط الخليط نراعي ان النار تكون هادية عشان نلحق نوزع الخليط في انحاء الطاسة بالتساوي
و بعدين نعلي لما بيدأ القرص ياخد اللون الدهبى من تحت أقلبيه
وحطيها في طبق مسطح عشان تبرد ومانحطهوش فوقه بعضه عشان مايلزقش
وكررى العملية حتى ينتهى المقدار
نعمل الكفتة:نخلط اللحمة والبصل والبقدونس والملح والبهاراتثم ناخد جزء من الخليط ونحاول نفردها على طبق او بلاستيك ونضع الحشوة فى النص بالطول انا حشيتها مرة زيتون مع الفلفل والجبنة ومرة مع المشروم
ثم نحاول نقفلها على الحشوة
ثم توضع فى الثلاجة نصف ساعة ثم توضع فى البيض والبقسماط وتقلى
افردى واحدة كريب ادهنيه بالمايونيز او الطحينة وضعى كفتة وشوية جبنة مبشورة
ثم لفى الاطراف على الكفتة
ولفيها رول ثم فى طاسة تيفال ضعى وحدات الكريب المحشية دقايق على النار
مع التقليب عشان كله يمسك فى بعضه والجبنة تسيح ثم تقطع نصفين بشكل مائل وتقدم
