التصنيف: اصنعي بنفسك

ضعى حروف التوست او التوست نفسه او فينو فى صينية ويدخل فرن على نار هادئة يتحمص
او ممكن يوضع تحت الشواية بس دقايق قليلة مع التقليب مع المتابعة لانه هايتحرق بسرعة ثم يطحن فى الكبة
انا بخلط كل كوب منه مع كوب كورن فليكس مجروش ومعلقة صغيرة من ثوم وبصل بودر وبابريكا وبعمل بيه البانيهات والاسماك واللحوم

وممكن تخلطى معاه كيس فيجيتار جاهز

المقادير:
كيلو جزر
كيلو سكر
نصف كوب ماء
معلقة كبيرة عصير ليمون

الطريقة:
يغسل الجزر ويحك ويبشر
يوضع السكر والجزر في طبقات متبادلة ويترك طوال الليل فى الثلاجة حتى يذوب السكر

شكله بعد وضعه فى الثلاجة طوال الليل وتقلص حجمها

يوضع الخليط على النار الهادئة مع مراعاة التقليب الخفيف المستمر حتى يذوب السكر

ثم ترفع درجة الحرارة حتى يتم نضج الجزر مع مراعاة التقليب المستمر وينزع الريم عندما يقل حجم الجزر

يضاف عصيرر الليمون ويغلى 5 دقايق ثم يترك ليبرد ثم يعبأ فى برطمانات جافة

ملاحظة:ممكن بدل الماء نضيف عصير برتقال بتبقى جميلة اوى

المقادير:
نصف كيلو لحم مفروم نسبة الدهن فيها 200 جرام
حبة فلفل احمر حلو
بهارات سجق
ملح
فلفل اسود
فصين ثوم مفروم
3\4 كوب ماء
معلقة كبيرة بابريكا
نصف كوب فول صويا منقوع ومطحون
أمعاء

الطريقة :
اغسلى الامعاء من الداخل واجعلى الماء داخلها نظفى المصارين من الداخل وتأكدى من نظافتها
بان تقلبيها و تبدأى بكحتها بالسكين برفق لحد ما حتى لا تتقطع و بذلك تزيلى عنها الطبقة المخاطية الداخلية المبطنة للأمعاء
ثم ينقع فى الماء والخل والدقيق

نخلط المكونات فى الكبة ونضيف عليهم اللحمة مع إضافة الماء ثم يحشى بالقمع

ثم نربطه او نلفه على بعض ثم يعلق فى اى حاجة ونتركها ينزل مائه لمدة 3 ساعات او ممكن تفرزيه على طول

ديه لما عملته بالفلفل الألوان

الطريقة فى اللينك التالى

http://www.lahlopa.com/2012/04/%D8%B3%D8%AC%D9%82-%D8%A8%D8%A7%D9%84%D9%81%D9%84%D9%81%D9%84-%D8%A7%D9%84%D8%A7%D9%84%D9%88%D8%A7%D9%86/

المقادير:

كوب كبير دقيق
بيضة كبيرة
معلقة صغيرة ملح
معلقتين كبيرة زيت
معلقة كبيرة ماء

الطريقة:
تخلط المقادير

وتعجن ثم تكور

وثم تغطى وتترك ترتاح لمدة ساعة تقطع اربع قطع متساويين

 

تفرد بالنشابة بالطول يعنى بسيط ثم نفردها على الماكينة على رقم 7 ثم تقطع بالماكينة على شكل نودلز او مكرونة اسباجيتى او شرايط

ترش بقليل من الدقيق وتترك لتجف قليلا

ثم تسلق في ماء مملح لا تترك وقت كثير في الماء لأنها مكرونه طازجه وليس مثل المعبأه تقريبا 4 دقايق

 

 

ينقع الترمس من بالليل للصبح بعد غسله وتغيير الميه كام مرة
ثم توضع على النار تغلى مرة يعنى ربع ساعة يستوى وبعدين نغسله تانى ونزوده ميه ويملح حسب الرغبة وممكن تحفظيهه فى علب بلاستيك فى الثلاجة
لو الترمس البلدى المر
نفس الطريقة بس بعد مايستوى بتغيير الماء عليه عدة مرات فى اليوم لمدة أسبوع كامل لحد ما تروح منه المرارة