طريقة عمل كوكيز عيد الحب

المقادير
كوب زبدة بحرارة الغرفة
كوب سكر بودرة
بيضه
م ص فانيليا
2 كوب ونصف دقيق
ربع م ص ملح

الطريقة:
تخفق الزبدة مع السكر حتي يصبح كريمى ثم تضاف البيضه والفانيليا
ثم الدقيق والملح ويخلط حتي يصبح لدينا خليط ناعم ثم تلف فى بلاستيك وتدخل الفريزر ساعتين ثم تطلع ربع ساعة وافرديها بالنشابة بتبقى تخينة شوية مش رفيعة ثم تقطعى بالقطاعات على شكل قلوب اى اى شكل يعجبك ثم ترص فى صينية مدهونة خفيف وتدخل فرن 170 تقريبا ربع ساعة لتلت ساعة حتى تصبح الحروف بنى فاتح ثم يترك ليبرد دقايق فى الصينية

وبعدين جيبت عجينة الفندان او عجينة السكر ان شاء الله هاضيف طريقتها قريب فردتها وقطعتها قلوب بنفس القطاعة اللى قطعت بيها الكوكيز وحطيتها عليها

وقطعت جزء من الكوكيز دوائر صغيرة وحشيت كل اتنين بكريمة الزبدة بالشيكولاتة او اى كريمة او حتى مربى وبعدين غلفتها بعجينة السكر وعملت دائرة صغيرة بلون احمر ولفتها وحطيتها عليها