(كعكة مارينج)بافلوفا


بافلوفا
هو عبارة عن قرص من المارينج يعلوه كريمة مخفوقة واى فواكه
المقادير:
4بياض بيض ضمن حرارة الغرفة(يعنى تكونى مطلعاها من الثلاجة قبلها بساعة
رشه ملح
كوب سكر
كوب كريمة مخفوقة
اى فاكهة
الطريقة:
يخفق البياض بالمضرب الكهربائى لمدة دقيقة وبعدين ضيفى السكر ببطء
ولما تلاقيه خلاص بقى مارينج ولو قلبتى الاناء مش هيقع منه كده يبقى خلاص
وبعدين ضيفى 3 ملاعق نشا منخولة على الخليط ومعلقة صغيرة خل ومعلقة صغيرة فانيليا وتقلبيه بس بالراحة ومن تحت لفوق عشان مايفقدش الهواء منه
ثم يوضع فى صينية مدهونة وعليها ورقة زبدة برضه مدهونة وتعملى بيه دائراة فى الصينية
ويشكل على هيئة دائرة ويملس بالملعقة على أن يكون وسط سطح المارينج منخفضاً قليلاً وتكون الجوانب أعلى قليلاً حتى يمكن وضع الكريمة والفاكهة على سطحه.
ودخليه الفرن على 150 درجة لمدة 30دقيقة ثم يخفف الفرن إلى 120 درجة لمدة 45دقيقة
عند اطفاء الفرن ,تترك البافلوفا لتبرد في الفرن بعد فتح باب الفرن.
يخبز المارينج في الفرن حتى يصبح هشا

بعد مايستوى المارينج ترفع البافلوفا مع ورق الفرن ويرمى الورق بعد وضع البافلوفا في طبق تقديم
وبعدين ضيفى الكريمة المخفوقة وبعدين الفراولة بالصوص أو اى فواكه مقطعة

صوص الفراولة:كوب فرولة مقطعة وعليها نصف كوب سكر ونتركها على النار تستوى وتضربيه فى الخلاط وتقلب مع الفراولة الطازجة المقطعة او اى فاكهة