طريقة عمل الزبادى

كيلو لبن
نصف علبة زبادى

اغلى اللبن على نار هادية واثناء غليانه قلبى بمضرب سلك وسيبه يغلى اكتر من مرة وبعدين سيبه يبرد شوية يعنى يبقى دافى مايبقاش سخن
يعنى ضعى صابعك لو اتحمل السخونة يبقى كده خلاص
وبعدين حطى الزبادى فى كوبايه وحطى عليه حبة لبن وقلبيهم كويس اوى وبعدين حطيهم على كمية اللبن الباقية وقلبى كويس
(أنا بصراحة بقيت اعمل الخطوة ديه فى الخلاط عشان اضمن اللبن يندمج مع الزبادى)
وبعدين صبيه فى علبة واحدة او فى كوبايات الزبادى الصغيرة وغطيها وتكونى سخنتى الفرن واطفيه وبعدين دخليهم فى صينية وغطيهم بفوطة لمدة ليلة يعنى من بالليل للصبح
الصبح حطيها فى الثلاجة واستخدميها فى يومها ويفضل فى اليوم اللى بعده