بيكاتا بصوص الليمون


المقادير
فيليه دجاج
ملح -فلفل
دقيق
بيض مخفوق مع ملح وفلفل اسود
2 ملاعق كبيره زبده
ملعقتين زيت زيتون
بقسماط ناعم
الصوص
معلقة صغيرة مسطردة-ربع كوب عصير ليمون -ربع كوب ماء-4 ملا عق زبده

الطريقة

نرق أو نبطط فيليه الدجاج نرش عليه ملح وفلفل بسيط نعفره في الدقيق
ثم نضعه في البيض المخفوق
ثم نضعه في خليط البقسماط
علي نار هادئه نضع طاسه ثم نضع فيها ملعقتين الزيت وملعقتين زبده
بعد ما تدوب الزبده في الزيت وتسخن نضع فيها قطع الدجاج ونحمرها علي الجهتين
نضع الدجاج المحمر في صينية وندخلها الفرن لمده 10 دقايق حتى تكمل سوى
عمل الصوص الليمون:

في طاسه نضع فيها ملعقتين زبده
نضيف عصير الليمون ونضيف قشر الليمون اللي عصرناه ليمونتين كبار ونتركها 10 دقايق
حتي تتكثف قوام الصلصه وتتخن شويه نشيل قشر الليمون ونضيف الملعقتين الزبد الاخري
ورشه ملح صغير ورشه فلفل اسود ومعلقة المسطردة ونتركها 3 دقايق تغلي ونطفي النار
تقدم البيكاتا في طبق التقديم مع شرائح من الليمون ورشه بقدونس للتجميل
ونرش من صلصله الليمون قليل علي قطع الدجاج
انا قدمتها مع مكرونة اسباجيتى بالبقدونس

بيكاتا فراخ بصوص المشروم

4 قطع فيليه فراخ
معلقة كبيرة زيت +2معلقة زبدة
200 جم مشروم شرائح
فص ثوم
زعتر
بصلة مفرومة
معلقة مسطرة
معلقة صويا صوص
200مللى كريمة طهى

نتبل الفراخ بالملح والفلفل الاسود
فى طاسة نسخن الزبدة والزيت  ثم نضع الفيليه تحمر ثم نقلبها على الوجه التانى تحمر ثم ننشلها من الطاسة
نضع فى نفس الطاسة البصلة وفص الثوم المفرومين ونقلب دقيقتين ومشروم ورشة زعتر والكريمة ونقلب دقيقة والمسطردة وملح وفلفل اسود ثم نرجع قطع الفيليه فى الطاسة تانى
ونهدى النار وتترك ربع ساعة تستوى مع الصوص
تقدم مع الارز او المكرونة

ملاحظة من لهلوبة:
لو مفيش كريمة ندوب 3 ملاعق دقيق فى كوب ماء ونزود كمان كوب لبن